రోబో 2.0 కోసం రాజమౌళి.. అయినా పని కాలేదు

Posted: 08/23/2017 03:36 PM IST

రాజమౌళి పాపులారిటీ ఇప్పుడు ఏ రేంజ్ లో ఉందో ప్రత్యేకంగా చెప్పనక్కర్లేదు. బాలీవుడ్ బడా బడా మేకర్లు బ్లాంక్ చెక్ తో రాజన్న కోసం క్యూ కడుతున్నారు. ఒకానోక టైంలో ఆ టార్చర్ తట్టుకోలేక ఆయన ఫోన్ నంబర్ కూడా మార్చినట్లు వార్తలు వినిపించాయి. అయితే ఫిల్మ్ నగర్ లో ఇప్పుడు జక్కన్న గురించి ఓ న్యూస్ హాట్ గా చక్కర్లు కొడుతోంది.

రాజమౌళి ఫ్రెండ్, స్టార్ ప్రొడ్యూసర్ సాయి కొర్రపాటి ఆ మధ్య రజనీ కాంత్ 2.0 తెలుగు రైట్స్ కోసం యత్నించినట్లు చెప్పుకున్నాం. భారీ రేటుకే ఆయన ఆఫర్ చేసినా డీల్ కుదర్లేదని, మధ్యలో చదలవాడ శ్రీనివాస రావు మరికొందరు చిన్న నిర్మాతలు యత్నించినప్పటికీ పనికాకపోవటంతో చివరకు సునిల్ అనే బడా ఎగ్జిబ్యూటర్ కమ్ డిస్ట్రిబ్యూటర్ కొనుగోలు చేసేశాడు.

అయితే ఈ వ్యవహారంలో రాజమౌళి దౌత్యం కూడా చేసినట్లు వార్త బయటకు పొక్కుతోంది. నిజానికి లైకా ప్రోడక్షన్ తెలుగు హక్కులను 80 కోట్లకు అమ్మాలని యత్నించింది. దీంతో సాయిని వెంటపెట్టుకుని చెన్నై వెళ్లిన రాజమౌళి, సినిమా ప్రమోషన్ బాధ్యత తమదేనని, కాబట్టి రేటు తగ్గించాలని రిక్వెస్ట్ చేశాడు. అయితే లైకా అధినేత సుభాస్కరన్ మాత్రం తగ్గించే ప్రసక్తి లేదని బాహుబలి దర్శకుడికి తేల్చి చెప్పేశాడంట. దీంతో వెంటనే స్పందించిన సునిల్ 81 కోట్లకు కొనుగోలు చేయటం జరిగిందని చెప్పుకుంటున్నారు.