150 తర్వాత పుల్ స్టాప్?

Posted: 06/30/2016 05:54 PM IST

Boyapati and trivikram for megastar s next

చిరు 150తోనే ఫుల్ స్టాప్ పెడతాడా? ప్రస్తుతానికి చిత్ర షూటింగ్ లో తెగ బిజీగా ఉన్న ఆయన తర్వాత కూడా సినిమాల్లోనే కొనసాగుతాడా? లేదా ఫుల్ స్టాప్ పెట్టి తిరిగి రాజకీయాల్లోకి వెళ్లిపోతారా? ఈ ప్రశ్నలన్నింటికి సమాధానంగా చిన్న హింట్ ఫిల్మ్ నగర్ వర్గాల నుంచి అందుతోంది.

సరైనోడు ఆడియో సక్సెస్ మీట్ సందర్భంగా బోయపాటిని హైలెట్ చేశాడు చిరు. సింహా ముందు తన వద్దకే వచ్చిందని, కానీ, ఆ సమయంలో రాజకీయాల్లో ఉండటం వల్ల చేయలేకపోయానని ఓపెన్ గా ప్రకటించారు. కానీ, ఇప్పుడు ఓ మాంచి సబ్జెక్టుతో వస్తే తప్పకుండా చేస్తానని ప్రకటించాడు కూడా. ఈ నేపథ్యంలో ఆయన తర్వాతి సినిమా బోయపాటితోనే ఉండే అవకాశాలు ఎక్కువగా కనిపిస్తున్నాయి. ఒక మాస్ యాక్షన్ చిత్రం చేయాలనుకున్న ఆయన, ఆ తరహా కథను రెడీ చేయమని బోయపాటి ఇప్పటికే సూచించారంట.

ఆపై ఓ క్లాస్ సినిమా కోసం త్రివిక్రమ్ దర్శకత్వంలో సినిమా చేసే అవకాశం ఉందని తెలుస్తోంది. కంప్లీట్ ఫ్యామిలీ ఎంటర్ టైనర్ గా తెరకెక్కే ఈ చిత్రం హిల్లేరియస్ గా ఉండాలని త్రివిక్రమ్ కు సంకేతాలు పంపాడు చిరు. అలా తన 151వ సినిమా బోయపాటితో .. 152వ సినిమా త్రివిక్రమ్ తో చేసే ఫిక్స్ చేసుకుని 2018 దాకా ఫుల్ బిజీగా ఉండబోతున్నాడని చెప్పుకుంటున్నారు. వీటిలో బోయపాటి ప్రాజెక్టు పక్కా అని సమాచారం. అయితే అవి కన్ఫర్మ్ అవటం మాట అటుంచి ప్రస్తుతానికైతే కత్తిలాంటోడి కోసం మాత్ర సంక్రాంతి దాకా వేచి చూడక తప్పదు.

భాస్కర్