అమరావతిలో ‘డిక్టేటర్’ ఆడియో విడుదల?

Posted: 10/09/2015 11:48 AM IST

Balakrishna dictator audio release venue

నందమూరి బాలకృష్ణ హీరోగా అంజలి, సోనాల్ చౌహన్ హీరోయిన్లుగా నటిస్తున్న తాజా చిత్రం ‘డిక్టేటర్’. ప్రముఖ దర్శకుడు శ్రీవాస్ దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు.

ప్రస్తుతం ఈ చిత్ర షూటింగ్ హైదరాబాద్ లో శరవేగంగా జరుగుతోంది. ఇటీవలే ఇంటర్వెల్ బ్లాగ్ సమయంలో వచ్చే ఓ భారీ యాక్షన్ ఎపిసోడ్ ను చిత్రీకరించారు. ఈ సీన్ సినిమాకే హైలెట్ గా నిలుస్తుందని చిత్ర యూనిట్ చెబుతున్నారు. థమన్ సంగీతం అందిస్తున్న ఈ చిత్రంలో ‘గణేశా..’ అనే పాట ఇటీవలే విడుదలై మంచి టాక్ ను సొంతం చేసుకుంది.

ఈ చిత్ర ఫస్ట్ లుక్ టీజర్ ను దసరా కానుకగా అక్టోబర్ 21వ తేదీ అర్ధరాత్రికి విడుదల చేయనున్నారు. అయితే ఆడియోను మాత్రం చాలా గ్రాండ్ గా విడుదల చేయడానికి చిత్ర దర్శకనిర్మాతలు సన్నాహాలు చేస్తున్నట్లుగా తెలిసింది. ‘డిక్టేటర్’ ఆడియోను ఆంధ్రప్రదేశ్ కొత్త రాజధాని అమరావతిలో గ్రాండ్ గా విడుదల చేయాలని చిత్ర యూనిట్ అనుకుంటున్నట్లుగా తెలిసింది.

ఆంధ్రప్రదేశ్ రాజధాని అమరావతిలో మొట్టమొదట జరిగే ఆడియో విడుదల కార్యక్రమం ‘డిక్టేటర్’ కే దక్కనుంది. ఈ వేడుకను చాలా గ్రాండ్ గా డిసెంబర్ మూడవ వారంలో జరుపనున్నట్లుగా తెలిసింది. త్వరలోనే అన్ని వివరాలను అధికారికంగా ప్రకటించనున్నారు.

బాలకృష్ణ సరసన అంజలి, సొనాల్ చౌహాన్ లు హీరోయిన్లుగా నటిస్తున్నారు. భారీ అంచనాలతో రూపొందుతున్న ఈ చిత్రానికి కథ, స్ర్కీన్ ప్లే ను ప్రముఖ రచయితలు కోన వెంకట్, గోపి మోహన్ లు అందిస్తున్నారు. వచ్చే ఏడాది సంక్రాంతి కానుకగా ‘డిక్టేటర్’ ప్రేక్షకుల ముందుకు రాబోతున్నాడు.