చియాన్ తో జతకట్టనంటున్న నయనతార?

Posted: 07/08/2015 06:52 PM IST

కోలీవుడ్ టాప్1 స్టార్ హీరోయిన్ నయనతార తమిళ నటుడు చియాన్ విక్రమ్ మీద నయనతార ఓ శపథం చేసిందట. అయితే ఇక్కడ శపథం అనేది చాలా పెద్ద పదం వలే అనిపిస్తుంది కాబట్టి.. మన వాడుక భాషలో చెప్పుకోవాలంటే... నయనతార ఇంకా అదే మాట మీద వుందట అని చెప్పుకోవచ్చు.

విక్రమ్ హీరోగా ‘అరిమనంబి’ ఫేం దర్శకుడు ఆనంద్ శంకర్ దర్శకత్వంలో తాజాగా ఓ చిత్రం తెరకెక్కనున్న విషయం తెలిసిందే. ఇందులో హీరోయిన్ గా నయనతారను అనుకుంటున్నారు. ఈ విషయంపై చిత్ర దర్శకనిర్మాతలు నయనతారను సంప్రదిస్తే.. విక్రమ్ సరసన తాను ఎప్పటికీ నటించను అని చెప్పేసిందట. అయితే నయనతార ఇలా ఎందుకు చెప్పిందో, దీని వెనుక వున్న కారణం ఎంటో తెలియాలంటే కాస్త ఫ్లాష్ బ్యాక్ లోకి వెళ్లాల్సిందే.

గతంలో నయనతార సినిమా ఇండస్ట్రీలోకి ఎంట్రీ ఇచ్చిన సమయంలోనే విక్రమ్ సరసన హీరోయిన్ గా నటించే అవకాశం దక్కింది. కానీ ఆ సమయంలో నయనతార హీరోయిన్ గా ఎస్.జే.సూర్యతో కలిసి ‘కళ్వనిన్ కాదలి’ సినిమాలో నటించడానికి అంగీకరించారు. దీంతో రెండు చిత్రాలకు కాల్ షీట్స్ సర్దుబాటు చేస్తానని నయనతార చెప్పారట. కానీ విక్రమ్ చిత్ర నిర్మాతలు మాత్రం అందుకు ఒప్పుకోలేరట.

విక్రమ్ రేంజ్, మార్కెట్ ఏంటో తెలుసు కదా! కాబట్టి విక్రమ్ సినిమా మాత్రమే చెయ్యాలని నయనతారకు విక్రమ్ చిత్ర నిర్మాతలు కండిషన్లు పెట్టారట. దీంతో నయనతారకు ఒళ్లుమండి... పెద్ద, చిన్న అంటూ హీరోల మధ్య మీరే తేడా చూపుతున్నారు. అయినా ఇప్పుడే కాదు.. ఇంకెప్పుడూ కూడా విక్రమ్ తో నటించను అని ఖరాఖండీగా చెప్పేసిందట. దీంతో అప్పటి నుంచి విక్రమ్ తో నయనతార నటించలేదట. మరి విక్రమ్ సినిమా చేయడానికి నయనతార ఒప్పుకుంటుందో లేదో చూడాలి. ప్రస్తుతం నయనతార పలు చిత్రాలతో బిజీగా వుంది.