సునీల్ సంతోషమే సగం బలం అంటాడా?

Posted: 06/15/2015 05:19 PM IST

‘ఓనమాలు’ చిత్రంతో దర్శకుడిగా విమర్శకుల ప్రశంసలు అందుకున్న దర్శకుడు క్రాంతి మాధవ్. ఇటీవలే వచ్చిన ‘మళ్ళీ మళ్ళీ ఇది రానిరోజు’ చిత్రంతో భారీ హిట్టును సొంతం చేసుకున్నాడు క్రాంతి. అయితే క్రాంతి మాధవ్ దర్శకత్వంలో సునీల్ హీరోగా ఓ చిత్రం తెరకెక్కనుందని గతకొద్ది రోజులుగా వార్తలొస్తున్న విషయం తెలిసిందే.

అయితే ఈ ప్రాజెక్టుకు సంబంధించి తాజాగా మరికొన్ని వార్తలు బయటకొచ్చాయి. అవేమిటంటే.. ఈ చిత్రాన్ని పరుచూరి ప్రసాద్ నిర్మించనున్నట్లుగా తెలిసింది. అలాగే ఈ సినిమా కోసం ‘సంతోషమే సగం బలం’ అనే టైటిల్ ను రిజిస్టర్ చేయించినట్లుగా తెలిసింది. క్రాంతి మాధవ్ తన గత సినిమాల టైటిల్స్ కూడా అచ్చమైన తెలుగులోనే వుండేలా చూసుకున్నాడు.

ఇపుడు సునీల్ తో తీయబోయే సినిమాకు కూడా ‘సంతోషమే సగం బలం’ అనే టైటిల్ ను ఎంపిక చేసుకున్నట్లుగా వార్తలొస్తున్నాయి. కానీ ఈ ప్రాజెక్టుకు సంబంధించి ఇంకా ఎలాంటి వివరాలు అధికారికంగా ప్రకటించలేదు. త్వరలోనే చిత్ర యూనిట్ ఓ అధికారిక ప్రకటన విడుదల చేయనున్నారు. ప్రస్తుతం వాసు వర్మ దర్శకత్వంలో సునీల్ ఓ సినిమాలో నటిస్తున్నాడు. ఈ చిత్ర షూటింగ్ శరవేగంగా జరుగుతోంది. త్వరలోనే ప్రేక్షకుల ముందుకు రానుంది.