ఈ ఆంటీ తాగేసొచ్చి స్టేజ్ పై రెచ్చిపోయిందట

Posted: 04/27/2015 12:06 PM IST

ప్రముఖ సినీ నటి ఊర్వశి మందు భామలం అంటూ ఓ పబ్లిక్ ఈవెంట్ కు తాగేసొచ్చి రెచ్చిపోయిందట. అసలు ఇంతకీ ఈ ఊర్వశి అంటే ఎవరని అనుకుంటున్నారా? గతంలో పలు చిత్రాల్లో హీరోయిన్ గా నటించిన ఈమె.. ఈ మధ్య క్యారెక్టర్ ఆర్టిస్టుగా కొనసాగుతుంది. ఇటీవలే గోపిచంద్ హీరోగా నటించిన ‘జిల్’ చిత్రంలో హీరోకు తల్లి పాత్రలో ఊర్వశి నటించారు.

అయితే ఈ అమ్మడిని ఎల్.డి.ఎఫ్. ఆర్గనైజ్ వారు ఏర్పాటు చేసిన ఫీమేల్ లేజిస్లేటివ్ కమీషన్ మీటింగ్ కు ఆహ్వానించారు. కానీ ఊర్వశి మాత్రం సరైన సమయానికి హాజరు కాకుండా ఆలస్యంగా వచ్చిందట. అంతే కాకుండా స్టేజ్ మీదకు తూగుతూ, తూలుతూ వెళ్లి, స్టేజ్ మీద సరిగ్గా మాట్లాడలేక, తన నోటికొచ్చింది మాట్లాడేసిందట.

ఇలా ఊర్వశి తాగొచ్చి ఆ మీటింగ్ ను కాస్త ఇబ్బందిగా మార్చేసింది. కానీ అక్కడి వారు ఈ అమ్మడి పనులకు తెగ నవ్వుకున్నారని సమాచారం. ఊర్వశికి ఇదేమి కొత్త కాదు. గతంలో ఇలాగే ఓ సారి తన విడాకుల కోసం కూడా ఫ్యామిలీ కోర్టుకు తాగేసి వచ్చింది. అయితే ఇలా ఊర్వశి తాగేసి రావడంతో ప్రస్తుతం తమిళ, మలయాళ, తెలుగు ఇండస్ట్రీలలో ఈ అమ్మడు హాట్ టాపిక్ గా మారింది.