వెనక్కి తగ్గిన బాలయ్య లయన్

Posted: 04/27/2015 06:07 PM IST

Balakrishna lion movie release date delay

నందమూరి నటసింహం బాలకృష్ణ, త్రిష, రాధికా ఆప్టే హీరో హీరోయిన్లుగా నటిస్తున్న తాజా చిత్రం ‘లయన్‌’. రుద్రపాటి ప్రేమలత నిర్మాణ సారధ్యంలో జివ్వాజి రామాంజనేయులు సమర్పణలో ఎస్.ఎల్.వి సినిమా పతాకంపై రుద్రపాటి రమణారావు నిర్మిస్తున్న ఈ చిత్రం ద్వారా సత్యదేవ దర్శకుడిగా పరిచయమవుతున్నారు.

మణిశర్మ సంగీతం అందించిన పాటలు ఇటీవలే విడుదలై మంచి టాక్ ను సొంతం చేసుకున్నాయి. అలాగే ఇటీవలే విడుదలైన ట్రైలర్ కు భారీ రెస్పాన్స్ వస్తోంది. అయితే ఈ చిత్రాన్ని మే 1న విడుదల చేయాలని అనుకున్నారు. కానీ తాజాగా ఈ చిత్ర విడుదలను వాయిదా వేసారు.

‘లయన్’ చిత్రాన్ని మే 7న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. మే 1న కమల్ హాసన్ నటించిన ‘ఉత్తమ విలన్’, అలాగే రాఘవ లారెన్స్ ‘గంగ’ చిత్రాలు విడుదల కానున్నాయి. అందువల్లే ఈ చిత్రాన్ని మే 7వ తేదికి వాయిదా వేసినట్లుగా తెలిసింది.

‘‘భగవద్గీత యుద్ధానికి ముందు వినపడుతుంది..విని మారకపోతే చచ్చాక వినపడుతుంది. యుద్ధానికి ముందు వింటావా..చచ్చాక వింటావా..’’

‘’నేను ఒకడ్ని కలవాలని పిక్స్ అయితే వాటి పెరట్లో పెరిగే మొక్కయినా, వాడి వాకిట్లో మొరిగే కుక్కయినా...వాడి చుట్టూ వాడ్ని కాపలా కాస్తున్న వలైనా, వాడు నిద్రపోతున్నప్పుడు కనే కలైనా..నా కంట్రోల్ లోకి రావాల్సిందే..డోంట్ ఫర్ గెట్ అయామ్ ఫ్రమ్ సి.బి.ఐ’’

‘’పుట్టుకతోనే ఆ భగవంతుడు నా బాడీలోని ప్రతి పార్ట్ లో ఓ పవర్ దాచాడు. పొరపాటున నా బాడీలో ఏ పార్ట్ ను టచ్ చేసినా నీ బాడీ షేప్ మారిపోతుంది. ..’’

ఇలాంటి పంచ్ డైలాగ్స్ ఈ సినిమాలో బోలెడన్నీ వున్నాయని, నందమూరి అభిమానులకు ‘లయన్’ సినిమా ఓ పండగేనని చిత్ర యూనిట్ చెబుతున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.