స్విట్జర్లాండ్ లో సునీల్ కొత్త సినిమా

Posted: 04/01/2015 11:20 AM IST

‘అందాల రాముడు’ సినిమాతో హీరోగా మారిన కమెడియన్ సునీల్.. ఆ తర్వాత పలు హిట్ చిత్రాల్లో హీరోగా నటించి, క్యారెక్టర్ ఆర్టిస్ట్ పాత్రలకు దూరమయ్యాడు. అయితే సునీల్ నటించిన ‘భీమవరం బుల్లోడు’ చిత్రం అట్టర్ ఫ్లాప్ అవడంతో... తన కొత్త సినిమా విషయంలో చాలా జాగ్రత్తలు తీసుకుంటున్నాడు. కథల విషయంలో చాలా జాగ్రత్త వహిస్తున్నాడు.

శ్రీ వెంకటేశ్వర క్రియేషన్స్ బ్యానర్లో నిర్మాత దిల్ రాజు నిర్మాణంలో సునీల్ హీరోగా ఓ చిత్రం తెరకెక్కుతోంది. ‘జోష్’ ఫేం వాసు వర్మ దర్శకత్వంలో తెరకెక్కుతున్న ఈ చిత్ర షూటింగ్ ఇటీవలే ప్రారంభమైనట్లుగా తెలిసింది. ప్రస్తుతం ఈ చిత్ర మొదటి షెడ్యూల్ షూటింగ్ స్విట్జర్లాండ్ లో జరుగుతున్నట్లుగా సమాచారం.

అక్కడే రెండు పాటలతో పాటు కొన్ని కీలక సన్నీవేశాలను చిత్రీకరించనున్నారు. డింపుల్ చొపాడే హీరోయిన్. దిల్ రాజు తనదైన శైలిలో పక్కా స్క్రిప్ట్ తో ఈ ప్రాజెక్ట్ ను నిర్మిస్తున్నారు. మరి ఈ సినిమా ఎలాంటి విజయం సాధించనుందో చూడాలి. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.