దోచేయ్ ఆడియో ఏప్రిల్ 11కు వాయిదా

Posted: 04/01/2015 10:21 AM IST

అక్కినేని నాగచైతన్య హీరోగా నటిస్తున్న ‘దోచేయ్’ చిత్ర ఆడియో విడుదల కార్యక్రమం ఏప్రిల్ 3వ తేదిన ఘనంగా జరుగనుందని చిత్ర యూనిట్ ప్రకటించిన విషయం తెలిసిందే. అయితే తాజా సమాచారం ప్రకారం ఈ ఆడియో కార్యక్రమం వాయిదా పడినట్లుగా తెలిసింది.

సుధీర్ వర్మ దర్శకత్వంలో నాగచైతన్య, కృతిసనన్ జంటగా నటిస్తున్న ఈ చిత్రానికి సన్నీ.ఎం.ఆర్ సంగీతం అందిస్తున్నాడు. ఈ చిత్రంలోని పాటలను రోజుకొకటి చొప్పున టీజర్ గా విడుదల చేస్తున్నారు. ఇప్పటికే నాలుగు పాటలు విడుదలయ్యాయి.

మరో రెండు రోజుల్లో ఆడియో కార్యక్రమం వుందనగా... ఈ చిత్ర ఆడియో విడుదలను వాయిదా వేసినట్లుగా తెలిసింది. కారణాలైతే తెలియవు గానీ... ఈ ఆడియో విడుదలను ఏప్రిల్ 11న నిర్వహించనున్నట్లుగా తెలిసింది. త్వరలోనే అధికారిక ప్రకటన విడుదల చేయనున్నారు.

శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్నారు. ఈ చిత్ర ఆడియో విడుదల ఆలస్యమైతే... సినిమా విడుదల కూడా ఏప్రిల్ 17న కాకుండా మరింత ఆలస్యం అయ్యేలా వుంది. మరి ఏం జరుగనుందో త్వరలోనే తెలియనుంది.