చెయ్యి తడపడమే ముఖ్యం.. దేనికైనా రెడీ!

Posted: 02/12/2015 03:02 PM IST

ప్రస్తుతం అరడజనుకుపైగా సినిమాలతో ఫుల్ బిజీగా వున్న రెజీనా.. తన రెమ్యునరేషన్ ను పెంచుకోవడం కోసం తంటాలు పడుతున్నట్లు తెలుస్తోంది. నేరుగా తనకు ఎక్కువ డబ్బులివ్వాలంటూ డిమాండ్ చేయకుండా పరోక్షంగా తన మనసులోని మాటను బయటపెడుతోంది. తనకు డబ్బులు ఎక్కువ ఇస్తే.. దేనికైనా రెడీ అంటూ స్టేట్ మెంట్ ఇస్తోంది ఈ అమ్మడు.

ఇండస్ట్రీలో ఎంట్రీ ఇచ్చి కొన్నిరోజుల్లోనే సక్సెస్ ఫుల్ హీరోయిన్’గా పేరుసాధించడంతో దర్శకనిర్మాతలు ఈమె వెనుక స్ర్కిప్టులు పెట్టుకుని పరుగులు పెడుతున్నారు. దీంతో తన డిమాండ్ పెరిగిపోయిందన్న విషయాన్ని పసిగట్టిన ఈ భామ... రెమ్యునరేషన్ కోసం తనదైన రీతిలో కొత్త పుంతలు తొక్కుతోంది. ఏదైనా కొత్త ప్రాజెక్ట్ ఒప్పుకోవడానికి ముందు కండీషన్స్ పెడుతోందని, లేకపోతే డబ్బులు ఎక్కువ ఇవ్వాలంటూ ఆమె అడుగుతోందట! అంతేకాదు.. డబ్బులు ఎక్కువ ముట్టజెడితే.. కొత్త హీరోలతోనూ నటించేందుకు సై అంటూ గ్రీన్ సిగ్నల్ ఇచ్చేస్తోంది.

ఇదే విషయమై అమ్మడు మాట్లాడుతూ.. డబ్బులు ఎక్కువిస్తే కొత్త హీరో అయినా ఫర్వాలేదంటోంది. అలాగే తాను ముందుగా ఒక ప్రాజెక్ట్ ఒప్పుకునే ముందు హీరో ఎవరో తెలుసుకుంటుందని, ఆ తర్వాత తన పేమెంట్ కూడా బాగుండాలని కుండబద్ధలు కొడుతోంది. అంటే.. కొత్త హీరోలతో ఈమె నటించేందుకు సుముఖత చూపడం లేదన్నమాట! ఒకవేళ కొత్త హీరోలతో నటించాల్సి వస్తే.. ఈమె డిమాండ్ చేసేంత డబ్బు నిర్మాత సమర్పించుకోవడం కష్టమే! ఇంకో విషయం ఏమిటంటే.. పవన్, మహేష్ సరసన నటించే ఛాన్స్ కోసం ప్రయత్నాలు చేస్తోందని సమాచారం!

AS