హేమ ఆంటీకి మిగిలిన చిన్న కోరిక

Posted: 09/02/2013 01:22 PM IST

టాలీవుడ్ క్యారెక్టర్ ఆర్టిస్టుల్లో నేము, ఫేము ఉన్న వారిలో హేమ ఆంటీ ఒకరు. ఈమె పోషించే పాత్రలు ప్రేక్షకులను ఇట్టే ఆకట్టుకుంటాయి. చూడటానికి కాస్తంత బొద్దుగా, వయస్సు పై బడిన దానిలా ఉన్నా అందాలు మాత్రం ఏ మాత్రం చెక్కుచెదర లేదు. అలా కాపాడుకుంటూ, ప్రేక్షకుల్ని రంజింప జేస్తున్న ఈ అంటీని అభినందించాల్సిందే. ఏ  క్యారెక్టర్ ఆర్టిస్టు సరసన అయినా సరిగ్గా సరిపోయే ఈ అంటీ ఎప్పటి నుండో ఓ పాత్ర చేయాలని అనుకుంటుందట. అదేంటే తెలుసా ? గడసరి అత్త పాత్ర. ఇటీవలే ఈమె ఆ కోరికను బయటపెట్టింది కూడా. అంటే గుండమ్మకథ సినిమాలో సూర్యకాంతం పోషించిన పాత్ర లాంటిదన్న మాట. గత కొద్ది రోజుల నుండి అలనాటి ఆణిముత్యం అయిన ఆ సినిమాను జూనియర్ ఎన్టీఆర్, నాగచైతన్యల కాబింనేషన్ లో డి. రామానాయుడు రీమేక్ చేస్తారనే వార్తలు వస్తున్న సంగతి తెలిసిందే. కానీ సూర్యకాంతం పోషించిన ‘గుండమ్మ ’ పాత్రను పోషించే నటి లేక ఆ సినిమాను పట్టాలెక్కించలేదు. ఇటీవల ఎవరో దీని గురించి మాట్లాడుకుంటుండగా ప్రక్కనే ఉన్న హేమా ఆంటీ ‘గుండమ్మ పాత్రను నేను పోషిస్తా... ఏ నేను దానికి పనికి రానా అని ’ గోముగా  అడిగటంతో అక్కడి వారు విస్తుపోవడమే కాకుండా ఈ ఆంటీకి బాగానే కోరికలు ఉన్నాయని అనుకున్నారట. ఇది విని హేమ సరసన నేను చేస్తానంటూ బ్రహ్మానందం వెంబడి పడడుకదా అని అనుకుంటున్నారు సినీ జనాలు.