Posted: 09/03/2012 09:24 PM IST

టాలీవుడ్ దర్శక ధీరుడు రాజమౌళి ఈ మధ్యన తీసిన ‘ఈగ ’ సినిమా సంచలన విజయాన్ని సమోదు చేసిన విషయం తెలిసిందే. ఈ సినిమాలో విలన్ గా నటించిన కన్నడ నటుడు సదీప్ గుర్తుండే ఉంటాడు మీకు. ఈ సినిమాలో అతని నటన అద్భుతం. సుదీప్ నటనకు ఫిదా అయిపోయిన జక్కన్న ఆయనను తన తరువాతి సినిమాలో కూడా తీసుకోవాలని చూస్తున్నాడట. ఇక నిన్న సుదీప్ పుట్టిన రోజు సందర్భంగా  ఆయనకి ట్విట్టర్ ద్వారా రాజమౌళి శుభాకాంక్షలు తెలియజేశాడు. తాను సుదీప్ అభిమానిననీ ... అప్పుడే ఆయన 40 ల్లో పడటాన్ని తాను నమ్మలేకపోతున్నానని రాజమౌళి అన్నారు. అయినా తనకి ఆయన యువకుడిగానే కనిపిస్తారనీ ... మరోమారు ఆయనతో కలిసి పనిచేయాలని ఉందని ట్విట్టర్లో పోస్ట్ చేశారు.  దీని పై స్పందించిన సుదీప్  ఆయనతో కలిసి పనిచేసే అవకాశం మళ్లీ లభిస్తే అంతకన్నా అదృష్టం ఏముంటుందంటూ ఆనందాన్ని వ్యక్తం చేశారు. ఈ వ్యవహారమంతా చూస్తుంటే రాజమౌళి సినిమాలో మళ్లీ సుదీప్ నటించే అవకాశం చాలా తొందరలోనే ఉందనే వార్తలు షికారు చేస్తున్నాయి. ప్రస్తుతం ప్రభాస్ హీరోగా రాజమౌళి చేయనున్న సినిమాలో సుదీప్ ని విలన్ గా తీసుకున్నా ఆశ్చర్య పడనక్కరలేదని కొందరు అంటున్నారు. మరి జక్కన్న ప్రభాస్ సినిమాలో తీసుకుంటాడా ? లేక ఆయన పై ఉన్న అభిమానంతో ఆయన్నే హీరోగా పెట్టి సినిమా తీస్తాడా అనేది చూడాలి.