తొలిరోజు మంచి వసూళ్లు రాబట్టుకున్న ‘ఏబిసిడీ’

Posted: 05/18/2019 02:39 PM IST

Collections of abcd are increasing with every show

అల్లు శిరీశ్, రుక్షార్ థిల్లోన్ కథానాయకా,నాయికలుగా సంజీవ్ రెడ్డి దర్శకత్వంలో 'ఏబీసీడీ' తెరకెక్కింది. సురేష్ ప్రోడక్షన్స్ సమర్పణలో.. యశ్ రంగినేని - మధుర శ్రీధర్ సంయుక్తంగా నిర్మించిన ఈ సినిమా, నిన్ననే ప్రేక్షకుల ముందుకు వచ్చింది. చైల్డ్ అర్టిస్ట్ ముద్రను చెరిపేసుకుని యంగ్ అర్టిస్ట్ గా ఎంట్రీ ఇచ్చి.. తన మార్కు కామెడీతో మెప్పించిన భరత్, ముఖ్యమైన పాత్రలో కనిపించాడు. తెలుగు రాష్ట్రాల్లో ఈ సినిమా తొలిరోజున 2.25 కోట్ల గ్రాస్ ను వసూలు చేసింది.

వేసవి సెలవులు కావడం వలన వసూళ్లు పుంజుకునే అవకాశం ఉందని చెప్పుకుంటున్నారు. మలయాళంలో 2013లో వచ్చిన 'ఏబీసీడీ'కి ఇది రీమేక్. మలయాళంలో దుల్కర్ సల్మాన్ చేసిన సినిమా సూపర్ హిట్ అయింది. ఆ సినిమా దుల్కర్ కెరియర్ కి ఎంతో హెల్ప్ అయింది కూడా. అలాగే ఈ సినిమా తన కెరియర్ కి హెల్ప్ అవుతుందని అల్లు శిరీశ్ భావిస్తున్నాడు. ఆయన నమ్మకం నిజమవుతుందేమో చూడాలి మరి.