బాలీవుడ్ హీరోయిన్ కు ప్రమాదం.. సెల్పీలకు ఎగబడ్డ జనం..!

Posted: 08/12/2017 12:15 PM IST

మారుతున్న కాలంలో పాటు మనుషులు కూడా మరింత వేగంగా మారుతున్నారు. తరతరాలకు మధ్య అనుబంధాలు, అప్యాయతల విషయాన్ని పక్కనబెడితే.. సాటి మనుషులకు ఏదో చేయాలన్న భావన, తోటి వారికి సాయం చేయాలన్న అలోచన, కనీసం అపదలో వున్న వారికి అభయహస్తాన్ని అందించాన్న యోచన కూడా నేటి తరం యువతలో లోపిస్తుంది. ఎంతసేపు సోషల్ మీడియానే తమ ప్రపంచమనుకుని.. వారితో స్నేహాలు, లైకులు. ఇదే జీవితమని భావిస్తున్నారు.

హైదరాబాద్ హైటెక్ సిటీలో విలక్షణ నటుడు ప్రకాష్ రాజ్ కారు ప్రమాదానికి గురైన సమయంలో అక్కడి హైటెక్ సిటీ వాసులు అయనకు సాయం చేయడానికి ముందుకు రాలేదు.. అయతే అంతకన్నా అధిక సమయాన్ని వారు సెల్పీలు, ఫోటోలు, వీడియోలు తీయడానికి కేటాయించారు. దానిని సోషల్ మీడియాలో అప్ లోడ్ చేయడానికి వినియోగించారు. అందులో వచ్చిన లైకులే వారికి కడుపు నింపాయి. ఈ ఘటనపై ప్రకాష్ రాజ్ ఘాటుగానే స్పందించాడు. సాయం చేయడం నేర్చుకోండీ.. వీడియోలు తీయడం కాదని అన్నాడు. అయినా నేటి తరం యువతలో మాత్రం మార్పు రాదు.

తాజాగా బాలీవుడ్ భామ నేహా ధూపియా కూడా చండీగఢ్ లో ప్రమాదం బారిన పడ్డారు. తాను చేస్తున్న నో ఫిల్డర్ నెహ-2 షో ప్రమోషన్ కోసం అమె చంఢీగఢ్ వెళ్లారు. ఇక అక్కడి నుంచి తిరుగ ప్రయాణంలో విమానాశ్రయానికి చేరుకుంటున్న సమయంలో అమె కారు ప్రమాదానికి గురైంది. ఈ ప్రమాదంలో ఆమెకు గాయాలు కాకపోయినా, ఆమె కళ్లద్దాలు పగిలిపోయాయి. రోడ్డు మధ్యన ఈ ప్రమాదం చోటు చేసుకోవడంతో, విమానాశ్రమానికి వెళ్లే రహదారిపై ట్రాఫిక్ జామ్ అయ్యింది. ప్రమాదానికి గురైన వారికి సాయం చేద్దామనుకుని ముందుకెళ్లిన వారు అందులోని నేహా దూఫియాను గుర్తుపట్టారు.

అప్పటి వరకు ట్రాఫిక్ జామ్ అయ్యిందన్న వాహనదారులు కూడా నేహాతో పాటు కారులో వున్నవారి పరిస్థితిని ఏమాత్రం పట్టించుకోకుండా ఆమెతో సెల్ఫీలకు ఎగబడ్డారు. అమెకు ఏమైనా గాయాలయ్యాయా..? అన్న విషయాన్ని కూడా వారు పట్టించుకోలేదు. నిత్యం సెక్యూరిటీ మద్య వుంటే నటి.. నడిరోడ్డు మీద ఎలాంటి సెక్యూరిటీ లేకుండా కనిపించే సరికి అమెతో ఫోటోలు, సెల్పీలు, అటోగ్రాప్ తీసుకునేందుకు జనాలు ఎగబడ్డారు. ఇక చేసేది లేక అమె అరగంట పాటు అడిగిన వారికి అడిగింది ఇచ్చుకోక తప్పలేదు. ఆ తర్వాత వేరే కారు రావడంతో... బతుకుజీవుడా అంటూ ఆమె ఎయిర్ పోర్టుకు వెళ్లిపోయింది. కారు బ్రేకులు పని చేయకపోవడంతోనే ఈ ప్రమాదం సంభవించిందని ఆమె పీఆర్వో తెలిపాడు.