బాహుబలిని ట్రెండ్.. గొర్రెను కానన్న కమల్

Posted: 05/19/2017 08:37 PM IST

బాహుబలి.. అటు బాక్సాఫీసు వద్ద కలెక్షన్ల పరంగా ఇటు ప్రేక్షకుల అధరణ పరంగా ఇప్పుడీ చిత్రం ది బెస్ట్ ఇండియన్ సినిమా. అయితే ఇలాంటి చిత్రాలనే నిర్మించాలని ఇప్పటికే ఎందరో నిర్మాతలు రెడీ అవుతండగా, అటు కొందరు దర్శకులు కూడా కథలను రెడీ చేసుకుంటున్నారు. ఇప్పటికే సంఘమిత్ర, మణికర్ణిక, గౌతమీ పుత్ర శాతకర్ణి లాంటి చారిత్రక నేపథ్యమున్న చిత్రాలు కొన్ని విడుదలై ప్రేక్షకాధరణ పోందగా, మరికోన్ని నిర్మాణ దశల్లో వున్నాయి.

ఈ క్రమంలో విశ్వవిఖ్యాత నట చక్రవర్తిగా పేరొందిన నటుడు కమల్ హాసన్ కు పాత్రికేయుల నుంచి వచ్చిన ఓ విభిన్నమైన ప్రశ్న ఆయన అంతర్మధనాన్ని నిఖచ్చిగా బయటపెట్టింది. బాహుబలి లాంటి సినిమా చేస్తారా అంటూ కమల్ హాసన్ ను ఓ మీడియా ప్రతినిధి ప్రశ్నించగా, ఎందుకు చేయను అవకాశం వస్తే తప్పక చేస్తాను అని అంటారు కమల్ స్థానంలో ఏ హీరో వున్నా.. కానీ కమల్ మాత్రం అందుకు పూర్తి భిన్నంగా స్పందించారు.  

'నేనేమీ గొర్రెను కాదు.. ఎట్ లీస్ట్ గొర్రెల కాపరిని కూడా కాదు. నేను వేరే జాతికి చెందిన జంతువుని. బాహుబలి హిట్ అయింది కాబట్టి.. అలాంటి సినిమా నేను కూడా తీస్తా అనే రకం కాదు నేను' అంటూ సీరియస్ గా రియాక్ట్ అయ్యారు. నట విశ్వరూపం చూపించే కమల్ హాసన్.. ఇంత సీరియస్ అయేందుకు కారణాలు ఏమిటో తెలియక మీడియా ప్రతినిధులు విస్మయానికి గురయ్యారట. విశ్వాన్ని మెప్పించిన నటుడి వద్ద కుప్పిగంతులా అంటూ ఆయన సన్నిహిత వర్గాలు మరో అడుగు ముందుకేసి వాదిస్తున్నాయట.