బాహుబలి-2 1500 కోట్లు.. కంటిన్యూ

Posted: 05/19/2017 07:01 PM IST

Baahubali 2 crosses 1500 crores collection

బాక్సాఫీస్ రికార్డులను తిరగరాసేందుకే రాజమౌళి బాహుబలిని తీశాడేమో. ది కంక్లూజన్ వెయ్యి కోట్లను రీచ్ కాగానే ఆశ్చర్యపోయిన ప్రేక్షక లోకానికి 1500 కోట్లు మ్యాజిక్ ఫిగర్ దాటేందుకు మరో వారం మాత్రమే పట్టింది. టోటల్ గా 21 రోజుల కలెక్షన్లు 1500కోట్లు దాటినట్లు ట్రేడ్ అనాలసిస్ట్ తరుణ్ ఆదర్శ్ ట్వీట్ చేశాడు.

ఇండియాలో సమీప భవిష్యత్తులో మరేయితర చిత్రం కూడా ఈ రికార్డును చెదరగొట్టడం అంత తేలికగా అయ్యే పని కాదని ఆదర్శ్ ట్వీటాడు.ఇక తెలుగు వర్షన్ 178 కోట్లను వసూలు చేయగా, మళయాళంలో 60 కోట్లు, హిందీలో 460 కోట్లు రాబట్టి బాలీవుడ్ ను విస్మయానికి గురిచేసింది. మొదటి వారం 247 కోట్లు, రెండో వారం 143.25 కోట్లు, మూడో వారం 69.75 కోట్లు రాబట్టిందని తెలిపాడు.ఈ సినిమా డిస్ట్రిబ్యూటర్ కరణ్ జోహర్ కూడా 450 కోట్ల నంబర్ ను కన్ఫర్మ్ చేస్తూ ట్వీట్ చేయటం విశేషం.

సుమారు 8000 థియేటర్లలో రిలీజ్ అయిన ఈ చిత్రం 9వ రోజుకే 1000 కోట్లు వసూలు చేయగా, మూడు వారాలకు 1500 కోట్లు రాబట్టి ఇండియన్ హయ్యెస్ట్ గ్రాసర్ గా నిలిచింది. ఫుల్ రన్ వసూలు పైనే ఇక అందరి దృష్టి ఉంది.మరోవైపు చైనాలో భారీగా రిలీజ్ అయిన దంగల్ 500 కోట్లతో అప్రతిహంగా దూసుకుపోవటం విశేషం.