వచ్చే నెల వరుణ్-వితికాల నిశ్చితార్థం, పెళ్లి!

Posted: 10/07/2015 10:31 AM IST

టాలీవుడ్ నటుడు వరుణ్ సందేశ్ తన సినిమాల్లో ఎక్కువ రొమాంటిక్ పాత్రలే చేస్తూ వస్తున్నాడు. సినిమాల్లోనే కాకుండా బయట కూడా రొమాంటిక్ బాయ్ అని పేరు తెచ్చుకున్నాడు. ఇదిలా వుంటే ప్రస్తుతం వరుణ్ సందేశ్ తన ప్రేమను పెళ్లిపీటల మీదకు తీసుకెళ్లేందుకు ఏర్పాట్లు చేసుకుంటున్నట్లుగా తెలిసింది.

టాలీవుడ్ హీరోయిన్ వితికా శేరుతో వరుణ్ ప్రేమలో పడిన విషయం తెలిసిందే. ‘పడ్డానండి ప్రేమలో మరి’ సినిమా షూటింగ్ సమయంలో వీరిద్దరూ ప్రేమలో పడ్డారు. ఆ తర్వాత వీరి ప్రేమ వ్యవహారంపై మీడియాలో వార్తలు రావడం, ఆ తర్వాత ఈ విషయం ఇరు కుటుంబ సభ్యులకు తెలిసి, గ్రీన్ సిగ్నల్ ఇచ్చేయడం అన్ని జరిగిపోయాయి.

అయితే ఈ ప్రేమజంట త్వరలోనే ఒక్కటి కాబోతున్నారు. వచ్చే నెలలో వీరిద్దరి నిశ్చితార్థం జరుగునుందని తెలిసింది. కానీ వీరి పెళ్లి మాత్రం వచ్చే ఏడాది జరుగనుందని వార్తలొస్తున్నాయి. త్వరలోనే వరుణ్-వితికాలు జంటగా వీరి నిశ్చితార్థ తేదిని ప్రకటించనున్నారు. నిశ్చాతార్థం తర్వాత పెళ్లిరోజును ప్రకటించనున్నారు.