హిందీలోకి మారుతి ప్రేమకథా చిత్రమ్ రీమేక్

Posted: 04/01/2015 10:07 AM IST

సుధీర్, నందిత జంటగా నటించిన ‘ప్రేమకథా చిత్రమ్’ చిత్రం హర్రర్ కామెడీ ఎంటర్ టైనర్ గా రూపొంది మంచి విజయం సాధించింది. జె ప్రభాకర్ రెడ్డి దర్శకత్వంలో, మారుతి పర్యావేక్షణలో వచ్చిన ఈ చిత్రం హిందీలోకి రీమేక్ కాబోతుందని గతంలో వార్తలొచ్చాయి. కానీ ఆ వార్తలను తాజాగా సూపర్ స్టార్ కృష్ణ ఖరారు చేసారు.

ఇటీవలే సూపర్ స్టార్ కృష్ణ సిల్వర్ జూబ్లీ వేడుకలు జరిగిన విషయం తెలిసిందే. ఈ సంధర్భంగా కృష్ణ ఈ విషయాన్ని తెలియజేసారు. త్వరలోనే ఈ చిత్రం హిందీలోకి రీమేక్ కాబోతుంది. ఈ చిత్రానికి మారుతి దర్శకత్వం వహించనున్నాడు.

ఇప్పటికే ఈ చిత్రం తమిళంలోకి రీమేక్ అయ్యింది. ఇప్పుడు ఈ హిందీ రీమేక్ ని సూపర్ స్టార్ తన సొంత బ్యానర్ అయిన పద్మాలయా స్టూడియోస్ ద్వారా నిర్మించనున్నారు. ఈ విషయానికి సంబంధించిన మరిన్ని వివరాలు త్వరలోనే తెలియనున్నాయి.