మెగా పవర్ స్టార్ పుట్టినరోజు పోస్టర్లు విడుదల

Posted: 03/27/2015 09:56 AM IST

‘గోవిందుడు అందరివాడేలే’ చిత్రం తర్వాత మెగా పవర్ స్టార్ రాంచరణ్ హీరోగా శ్రీనువైట్ల దర్శకత్వంలో ఓ చిత్రం తెరకెక్కనున్న విషయం తెలిసిందే. ఇటీవలే షూటింగ్ ప్రారంభించుకొని మొదటి షెడ్యూల్ ను పూర్తి చేసుకుంది. రెండవ షెడ్యూల్ ఏప్రిల్ 2 నుంచి ప్రారంభం కానుంది.

అయితే ఈరోజు (మార్చి 27) రాంచరణ్ పుట్టినరోజు. ఈ సంధర్భంగా చిత్ర యూనిట్ శుభాకాంక్షలు తెలియజేస్తూ పోస్టర్లను విడుదల చేసారు. శ్రీమతి డి. పార్వతి సమర్పణలో డివివి ఎంటర్ టైన్మెంట్స్ బ్యానర్ పై డివివి దానయ్య ఈ చిత్రాన్ని నిర్మిస్తున్నారు.

ఈ చిత్రానికి ప్రముఖ రచయితలు కోనవెంకట్, గోపి మోహన్ లు కలిసి కథ, మాటలు అందిస్తున్నారు. రకూల్ ప్రీత్ సింగ్ హీరోయిన్ గా నటిస్తుంది. థమన్ సంగీతం అందించనున్నాడు. ఈ చిత్రాన్ని అక్టోబర్ 15న ప్రపంచ వ్యాప్తంగా విడుదల చేయనున్నారు.