ఫిల్మ్ ఫేర్ అవార్డుల రాజ్యాన్నిఏలిన క్వీన్.. హైదర్

Posted: 02/01/2015 04:51 PM IST

బాలీవుడ్ సినిమాలకు ప్రభుత్వం కాకుండా ప్రైవేటుగా లభించే అత్యంత ప్రతిష్టాత్మకంగా అందించే అవార్డులలో 60 వసంతాలను నింపుకున్నా ఇప్పటికీ నిత్య నూతనంగా అవార్డుల ప్రధానం చేస్తున్న ఏకైక సంస్థ ఫిల్మ్ ఫేర్ అవార్డ్స్. జాతీయ అవార్డుల తర్వాత అంతటి స్థాయి వున్న అవార్డులుగా ప్రఖ్యాతి చెంది.. అవార్డుల విషయంలోనూ అన్ని అంశాలను బేరిజు వేసుకుని ప్రకటించే సంస్థ ఫిల్మ్ ఫేర్. 2014లో విడుదలైన బాలీవుడ్ సినిమాలకు గానూ అవార్డులను ప్రదానం చేశారు. ఈ అవార్డుల్లో విమర్శకుల ప్రశంసల పరంగానూ, బాక్సాఫీస్ పరంగానూ ఘన విజయం సాధించిన 'క్వీన్', ఫిల్మ్ ఫేర్ అవార్డులలోనూ తన అధిపత్యాన్ని కోనసాగించింది.

క్వీన్ తరువాత అదే స్థాయిలో అవార్డులను అందుకుని ప్రేక్షకుల మన్ననలను అందుకున్న చ'హైదర్' సినిమా సత్తా చాటింది. ఉత్తమ చిత్రం, ఉత్తమ దర్శకుడు, ఉత్తమ నటి విభాగాల్లో అవార్డులతో పాటు మొత్తం 6 అవార్డులను సొంతం చేసుకొని, క్వీన్ నిజంగానే క్వీన్‌గా నిలబడింది. ఇక హైదర్ విషయానికి వస్తే.. ఉత్తమ నటుడి విభాగంలో అవార్డుతో పాటు మొత్తం 5 అవార్డులను సొంతం చేసుకుందీ సినిమా.

ఆమీర్ ఖాన్, రాజ్‌కుమార్ హిరాణీల తాజా సంచలనం పీకే.. ఉత్తమ స్క్రీన్‌ప్లే, ఉత్తమ సంభాషణల విభాగాల్లో అవార్డులను సొంతం చేసుకొంది. ఇక గతేడాది విడుదలైన చెప్పుకోదగ్గ సినిమాల్లో మొదటి వరుసలో ఉన్న హైవే సినిమాకు గానూ, ఆలియాభట్, ఉత్తమ నటి (క్రిటిక్స్ క్యాటగిరీ) అవార్డును సొంతం చేసుకున్నారు. అలనాటి మేటి నటి కామిని కౌషల్.. జీవిత సాఫల్య పురస్కారాన్ని అందుకున్నారు.