Posted: 07/25/2012 05:23 PM IST

       స్టైలిష్ స్టార్ అల్లు అర్జున్ – అతని భార్య అన్నోన్యత అందరికీ తెలిసిందే. ఈ కొత్త జంట ఇప్పుడు విదేశీయానం చేసే పనిలో ఉంది.  భార్య స్నేహారెడ్డితో కలిసి అల్లు అర్జున్ లండన్ వెళ్లనున్నట్టు తెలుస్తోంది. ఈ నెల 27 న లండన్లో జరగనున్న ఒలింపిక్స్ ప్రారంభ వేడుకను వీక్షించడానికి ఈ దంపతులు అక్కడికి వెళుతున్నారు. ఈ కార్యక్రమానికి బాలీవుడ్ ప్రముఖులు చాలామంది వెళుతుండటంతో, వాళ్లతో కలిసి అర్జున్ దంపతులు బయలుదేరుతున్నట్టు చెబుతున్నారు. పనిలో పనిగా, గతంలో తన వెన్నెముకకి అయిన గాయానికి అర్జున్ లండన్ లో చికిత్స చేయించుకుంటాడట. కాగా, అల్లు అర్జున్ - త్రివిక్రమ్ కాంబినేషన్లో తెరకెక్కిన 'జులాయి' చిత్రం, ఆగస్టు 9 న ప్రపంచ వ్యాప్తంగా 1600 థియేటర్లలో విడుదల కానుంది. ఈ చిత్రం మీద తెలుగు చిత్ర సీమలో భారీ అంచనాలే నెలకొన్నాయి.

...avnk