Posted: 02/27/2012 05:49 PM IST

          మెగా పవర్ స్టార్ రామ్ చరణ్ తేజ్ ‘రచ్చ’ విడుదలకు ముందే తన సత్తా చాటుతోంది. ప్రతీ అంశంలోనూ సరికొత్త రికార్డులు నమోదు చేస్తుంది. ఇటీవలే శాటిలైట్స్ రైట్స్లో తన సామర్థ్యాన్ని చాటిన ఈ సినిమా ఇప్పుడు తాజాగా మరో సంచలనాన్ని నమోదు చేసింది. ఈ మూవీ హిందీ హక్కులు భారీ ధరకు అమ్ముడు పోయి టాలీవుడ్లో హల్ చల్ రేపింది.

           ఈ చిత్రానికి సంబంధించిన హిందీ హక్కులు అత్యధిక ధరకు 1 కోటి 50 లక్షలకు అమ్ముడుపోయినట్లు సమాచారం.  ఇదిలా ఉంటే ‘రచ్చ’ చిత్ర ఆడియో మార్చి 4న విడుదల కావాల్సి ఉండగా వాయిదా పడనున్నట్లు తెలుస్తోంది. తాజా సమాచారం ప్రకారం కర్నూలులో జరగనున్న ఈ చిత్ర ఆడియో వేడుకను మార్చి 9 కి వాయిదా వేయాలని నిర్మాత భావించినట్లు విశ్వసనీయ వర్గాల సమాచారం.
           సంపత్ నంది దర్శకత్వం వహిస్తున్న ఈ చిత్రాన్ని మెగా సూపర్ గుడ్ ఫిల్మ్స్ బ్యానర్ పై ఎన్వి ప్రసాద్ మరియు ప్రసాద్ జైన్ నిర్మిస్తున్నారు. తమన్నా హీరొయిన్ గా నటిస్తుండగా అజ్మల్, దేవ్ గిల్, పార్తిబన్ ఇతర ముఖ్య పాత్రల్లో నటిస్తున్నారు.

...avnk