స్టాక్‌ మార్కెట్లో విదేశీ పెట్టుబడులు

Posted: 11/11/2013 07:55 PM IST

‌ఈ ఏడాది భారత స్టాక్‌ మార్కె ట్‌లోకి విదేశీ పెట్టుబడులు వెల్లువలాగా ప్రవహిం చాయి. మార్కెట్‌ రెగ్యులేటర్‌ సెబీ అందించిన సమాచారం ప్రకారం 2013లో ఇప్పటివరకు రూ. 91,892 కోట్ల (16.67 బిలియన్‌ డాలర్లు) మేరకు విదేశీ పెట్టుబడులు మన స్టాక్‌ మార్కెట్‌ లోకి ప్రవహించాయి.

 

భారతీయ ఈక్విటీ మార్కె ట్లోకి ఈ నవంబర్‌ నెలలో తొమ్మది రోజుల్లోనే రూ.3 వేల కోట్ల మేరకు విదేశీ పెట్టుబడులు వచ్చాయంటే మన స్టాక్‌ మార్కెట్‌ ఎంత కళకళ లాడుతూందో అర్థమవుతుంది. విదేశీ సంస్ధాగత మదుపుదారులు ఈ నెలలో స్టాక్‌మార్కెట్‌లో వాటాలను భారీగా కొనుగోలు చేశారు. పదిరోజు ల్లోపు వీరు 15,370 కోట్లమేరకు ఈక్విటీలను కొ నుగోలు చేశారని, ఇదే సమయంలోనే రూ.12,412 కోట్ల ఈక్విటీలను విక్రయించారని సెబీ తెలిపింది. మొత్తం మీద దేశంలోని వచ్చిన నికర విదేశీ పెట్టుబడుల విలువ రూ.2,958 కోట్లుగా (480 మిలియన్‌ డాలర్లు) నమోదైంది.

 

స్టాక్‌మార్కెట్‌ తళతళ

 

సెప్టెంబర్‌- అక్టోబర్‌ నెలలు స్టాక్‌మార్కెట్‌కు పండగ వాతావరణాన్ని తలపించాయి. ఈ రెండు నెలల్లోనే రూ.28,700 కోట్ల మేరకు విదేశీ పెట్టుబడులు దేశంలోకి తరలి వచ్చాయి. అయితే ఈ నెలలో ఎఫ్‌ఐఐలు రూ.2,916 కోట్ల రుణ సెక్యూరిటీలను వెనక్కు తీసుకెళ్లారని, ఈ ఏడాది ప్రారంభం నుంచి రూ.53,070 కోట్ల మొత్తాన్ని రుణ మార్కెట్‌నుంచి ఉపసంహరించుకున్నారని సెబీ ప్రకటించింది.

 

 

అంతర్జాతీయ ద్రవ్యలభ్యత చురుకుగా కొనసాగడం, ద్రవ్య ఉద్దీపన ఉపసంహ రణను అమెరికా ప్రభు త్వం వాయిదా వేసు కోవడంతో ఈ సెప్టెంబర్‌ నుంచి స్టాక్‌ మార్కెట్‌లోకి ఎఫ్‌ఐఐలు వెల్లువలా ప్రవ హించాయి. ఈ నేపథ్యం లోనే ఆర్థిక మంత్రి పి. చిదంబరం నవంబర్‌ మొదట్లో ప్రకటన చేస్తూ దేశీయ కరెంట్‌ ఖాతా లోటు అదుపులో ఉందని, ద్రవ్యలోటు లక్ష్యాన్ని చేరుకోగలమని ధీమా వ్యక్తం చేశారు.