అంబానీని పక్కకు నెట్టి అగ్రస్థానంలోకి దిలిప్ సాంఘ్వీ

Posted: 03/05/2015 09:19 PM IST

బండ్లు ఓడలు అవుతాయి.. ఓడలు బండ్లు అవుతాయన్న సామెత అక్షరాల నిజమైంది. మరీ అంత వత్యాసం లేకపోయినా.. గత ఎనమిదేళ్లుగా భారతీయ అపర కుభేరుల జాబితాలో అగ్రస్థానాన్ని ఆర్జించిన ముఖేష్ అంబానీ వెనక్కునెట్టి సన్‌ఫార్మా అధినేత దిలీప్ సంఘ్వి ప్రపంచ భారత నెంబరు వన్ కుబేరుడిగా (బిలియనీర్‌గా) అవతరించారు. రియల్ టైమ్ అప్‌డేట్ ప్రకారం ఫోర్బ్స్ తన జాబితాలో కొన్ని మార్పులను చేసింది. ఎనిమిదేళ్లుగా భారత బిలియనీర్ల జాబితాలో అగ్రస్థానంలో కొనసాగుతున్న రిలయన్స్ ఇండస్ట్రీస్ అధినేత ముకేశ్ అంబానీని కేవలం రెండు రోజుల్లోనే ఈ మార్పును చవిచూడాల్సి వచ్చింది.

ఈ మార్పుల ప్రకారం ప్రపంచ బిలియనీర్ల జాబితాలో సంఘ్వి ర్యాంక్ 44 నుంచి 37కు పెరిగింది. ముకేశ్ అంబానీ ర్యాంక్ 39 నుంచి 43కు తగ్గింది. ప్రస్తుతం సంఘ్వి సంపద 21.5 బిలియన్ డాలర్లుగా, ముకేశ్ అంబానీ సంపద 20.4 బిలియన్ డాలర్లుగా ఉంది. సంఘ్వి అధినేతగా ఉన్న సన్‌ఫార్మా కంపెనీ మార్కెట్ షేరు ధర భారీగా పెరగడమే ఇందుకు కారణంగా తెలుస్తోంది.

జి. మనోహర్