వృధ్యాప్యలక్షణాలను నివారించే సౌందర్య చిట్కాలు!

Posted: 10/30/2014 06:09 PM IST

The beauty benefits of sandalwood for skin which improves the glow of skin and removes oldage symptoms

ప్రస్తుత సాంకేతిక ప్రపంచంలో వాతావరణంలో తీవ్రంగా మార్పులు చోటుచేసుకుంటున్నాయి. ఈ మార్పులు నేరుగా మానవుని మీద తీవ్రంగా ప్రభావం చూపుతాయి. తద్వారా ఆరోగ్యంతోపాటు సౌందర్యం కూడా చాలావరకు తగ్గిపోతుంది. ఈ దెబ్బతో చిన్నవయస్సులోనే వృధ్యాప్యలక్షణాలు కనిపిస్తాయి. అలాగే మంచి పోషకాలు కలిగిన ఆహారాలు తీసుకోకపోతే చర్మానికి కావల్సిన ఔషదాలు లభించకపోవడంతో త్వరగా చర్మసౌందర్యం దెబ్బతింటుంది. ఫలితంగా వృధ్యాప్యలక్షణాలు చాలా క్లియర్ గా కనిపిస్తాయి. అయితే ఈ లక్షణాలను కొన్ని బ్యూటీ టిప్స్ ద్వారా దూరం చేసుకోవచ్చు. అటువంటివాటిల్లో చందనం ఎంతో అద్భుతంగా పనిచేస్తుంది. దీనిద్వారా కొన్ని హోం రెమెడీస్ ని తయారుచేసుకుని.. వాటిని సమయానుకూలంగా రెగ్యులర్ గా వాడితే.. వృధ్యాప్యలక్షణాలను త్వరగా నివారించుకోవచ్చు.

చందనంతో కూడిన హోమ్ రెమెడీస్ :

1. చందనంలో కొద్దిమోతాదులో తేనె, నిమ్మరసం, పెరుగు వంటివి కలుపుకుని ఒక పేస్ట్ తయారుచేసుకోవాలి. ఈ మిశ్రమాన్ని ముఖానికి పట్టించి 15 నిముషాల తర్వాత శుభ్రం చేసుకోవాలి. ఇలా చేయడం వల్ల నల్లగా వున్న చర్మం తెల్లబడటంతోపాటు మృదువుగా మారుతుంది.

2. గుడ్డుసొనను తీసుకుని అందులో తేనె, చందనం, ఆలివ్ ఆయిల్మిక్ వేసి బాగా మిక్స్ చేయాలి. ఈ మిశ్రమాన్ని ముఖానికి అప్లై చేసుకుని.. 15 నిముషాల తర్వాత శుభ్రం చేసుకోవాలి. ఇలా చేస్తే.. చర్మరంధ్రాలలో వుండే మలినాలు పూర్తిగా తొలగిపోయి చాలా సాఫ్ట్ గా తయారవుతుంది.

3. చందనంలో కాస్త ఆయిల్ కలుపుకుని మసాజ్ చేసుకోవాలి. ఇలా మసాజ్ చేసిన రెండుగంటల తర్వాత గోరువెచ్చని నీటితో స్నానం చేసుకోవాలి. ఇలా చేస్తే చర్మం నునుపుగా మారి, సౌందర్యవంతంగా కనిపిస్తారు.

4. పసుపు లేదా కుంకుమ పువ్వులో తగిన పరిమాణంలో చందనం వేసి బాగా కలుపుకోవాలి. దీనిని ముఖానికి ఒక ప్యాక్ లా వేసుకోవాలి. కొద్దిసేపు అనంతరం శుభ్రం చేసుకుంటే.. మొటిమలన్నీ మటుమాయమవుతాయి.

5. ఒక కప్పులో నిమ్మరసం, పసుపు, చందనం బాగా మిక్స్ చేసుకోవాలి. తర్వాత మిశ్రమాన్ని చర్మంపై రాసుకోవాలి. అరగంట తర్వాత శుభ్రం చేసుకోవాలి. ఇలా చేస్తే చర్మ దురద నుంచి ఉపశమనం పొందవచ్చు. చర్మం సాలా సాఫ్ట్ గా మారుతుంది.

6. చందనంతోపాటు బాదం, పాలు, తేనె, నిమ్మరసం, పసుపు వేసి బాగా మిక్స్ చేసుకోవాలి. దీనిని ముఖానికి పట్టించుకుని అరగంటసేపు వరకు అలాగే ఆరనివ్వాలి. అనంతరం గోరువెచ్చని నీటితో శుభ్రం చేసుకోవాలి. ఇలా చేస్తే.. చర్మం కాంతివంతంగా, ప్రకాశవంతంగా మెరువడంతోపాటు వృధ్యాప్యలక్షణాలు పూర్తిగా తొలగిపోతాయి.