రోజూ తలస్నానం చేయడం వల్ల కలిగే నష్టాలు!

Posted: 10/09/2014 04:37 PM IST

ప్రతిరోజూ స్నానం చేసుకోవడం శరీర ఆరోగ్యానికి ఎంతో శ్రేయస్కరం కానీ.. తలస్నానం చేయడం అంత మంచిది కాదని నిపుణులు పేర్కొంటున్నారు. ఎందుకంటే.. ప్రతిరోజూ తలస్నానం చేయడం వల్ల జుట్టులో వుండే సహజ వనరులు దెబ్బతింటాయని కొన్ని పరిశోధనల ద్వారా తెలుపుతున్నారు. అంతేకాదు.. షాంపు లేదా సబ్బులో వుండే కెమికల్స్ జుట్టు రాలడానికి దారితీస్తాయని, అలాగే చుండ్రు శాతం మరింత ఎక్కువగా పెరిగేలా చేస్తాయని చెబుతున్నారు. రెగ్యులర్ గా ప్లెయిన్ వాటర్ తో తలస్నానం చేసినా కూడా.. హెయిర్ రూట్స్ డ్యామేజ్ అవుతాయని పేర్కొంటున్నారు. దీంతో జుట్టు మృదువుతనాన్ని కోల్పోయి చాలా రఫ్ గా మారిపోతుందని, మెరుపుదనాన్ని కూడా కోల్పోతుందని నిర్ధారించారు. తలస్నానం చేయడం వల్ల ఇంకా కలిగే కొన్ని నష్టాలు...

1. రోజూ తలస్నానం చేయడం వల్ల తలలో జుట్టుకు బలాన్ని, షైనింగ్ ను అందించే నేచురల్ ఆయిల్స్ పూర్తిగా కోల్పోవాల్సి వస్తుంది. వాటిని తిరిగి పొందాలంటే ఎక్కువ సమయం పడటంతోపాటు చాలా కష్టం అవుతుంది. అంతలోపే జుట్టుకు జరగాల్సిన నష్టం జరిగిపోతుంది. ముఖ్యంగా జుట్టు ఎక్కువగా రాలిపోవడం జరుగుతుంది. దీంతో జుట్టును కావాల్సిన స్టైలిష్ గా మరల్చుకోవడానికి ఎటువంటి అవకాశాలు వుండవు. కాబట్టి రోజూ తలస్నానం చేయడమనేది మంచి ఆలోచన కాదని నిపుణులు చెబుతున్నారు.

2. రోజూ తలస్నానం చేసే సమయంలో ఏదైనా షాంపూను లేదా ఇతర సబ్బులను వాడటం సహజం. అలా వాడటం వల్ల అందులో వుండే రసాయనాలు, కెమికల్స్ జుట్టులో వున్న సహజత్వాన్ని పోగొడతాయి. అలాగే జుట్టును చాలా రఫ్ గా మార్చేయడంతోపాటు షైనింగ్ ను కూడా దూరం చేస్తాయి. తద్వారా జుట్టు రాలిపోవడంతోపాటు వయస్సు పైబడినవారిలా కనిపిస్తారు. జుట్టులో వుండే నేచురల్ కలర్ మొత్తం ఫేడ్ అయిపోతుంది. మొత్తంగా జుట్టు సమస్యలు అధికంగా పెరిగిపోతాయి. కాబట్టి ప్రతిరోజూ తలస్నానం చేయడం ఎంత త్వరగా మానుకుంటే అంతే మంచిది.