న్యూ వేవ్స్ చేతికి 99 టీవీ న్యూస్ ఛానెల్

Posted: 07/11/2018 12:00 PM IST

మీడియా అంటే కత్తి మీద సాము.. ఈ రోజుల్లో నిజమైన వార్తలను నిష్పక్షపాతంగా చూపించడంలో చానెళ్లు విఫలమయ్యాయన్న విమర్శలు వినబడుతున్నాయి. ఈ క్రమంలో ఎవరి పక్షాన నిలబడకుండా.. వున్నది వున్నట్లుగా, క్లుప్తంగా, జనపక్షం వహించి వార్తలను అందించే ఒక వెబ్ పోర్టల్, వెబ్ ఛానెల్.. మరో ముందడుగు వేసింది. అర్థికపర అంశాలతో సతమతమవుతున్న టీవీ 99 ఛానెల్ ను న్యూ వేవ్స్ సంస్థ అందిపుచ్చుకుంది. గత కొన్ని రోజులుగా ఈ అంశానికి సంబంధించిన చర్చలు పూర్తి కావడంతో ఇవాళ అధికారికంగా న్యూ వేస్స్ సంస్థ టీవీ 99 యాజమాన్య హక్కులను అందుకుంది.

అయితే టీవీ 99 లోగోను యాజమాన్యం మార్చుతుందా.? లేక అదే లోగోను కొనసాగిస్తుందా.? అన్నది కూడా తెలియాల్సి వుంది. ఈ నేపథ్యంలో న్యూ వేస్స్ సంస్థ ఇవాళ ఒక శుభముహూర్తాన పూజా కార్యక్రమాలను నిర్వహించింది. మాజీ ఐఏఎస్ అధికారి తోట చంద్రశేఖర్, రాజకీయ విశ్లేషకుడు, వ్యాపారవేత్త దిలిప్ బైరా, సీపిఐ నారాయణ, జ్యోతుల వెంకటేశ్వరరావు, మారిశెట్టి రాఘవయ్య, టీసీ అశోక్, శీనుబాబు, రాఘవయ్య, మహేందర్ రెడ్డి తదితరులు హాజరయ్యారు.