భక్తురాలిపై అత్యాచారం కేసులో బాబాకు పటుత్వ పరీక్షలు..

Posted: 06/23/2018 01:13 PM IST

Self styled godman daati maharaj may face potency test over rape allegations

దైవాంశ సంభూతులమని చెప్పుకుంటూ అమాయక భక్తులను బురిడీ కొట్టిస్తున్న అనేక మంది మేక తోలు కప్పుకున్న పులిలాంటి బాబాల భాగోతాలు వెలుగుచూస్తున్న క్రమంలో మరో బాబా కూడా అదే బాటలో పయనించాడు. తన భక్తురాలిపై అత్యాచారం చేసి.. తాను పూర్తిగా అమాయకుడినని తప్పించుకోజూస్తున్నాడు. నాగా సెక్టార్ లోని చత్రాపూర్ ఆశ్రమంలో 2016లో దాతీ మహరాజ్ తనపై అత్యాచారం చేశారంటూ భక్తురాలు పోలీసులకు పిర్యాదు చేసింది. తన ప్రాణానికి హాని ఉండడంతోనే ఈ విషయాన్ని ఇంతకాలం బయటపెట్టలేదని పేర్కొంది.

అయితే, అత్యాచారం జరిగిందని బాధితురాలు చెబుతున్న రోజున దాతీ మహరాజ్ అసలు ఆశ్రమంలోనే లేరంటూ ఆశ్రమ అధికారులు పోలీసులకు ఆధారాలు సమర్పించారు. తన వద్ద నుంచి డబ్బు లాగాలనే ఆ భక్తురాలు తనపై ఆరోపణలు చేస్తుందని బాబా భక్తులు వాదిస్తున్నారు. అయితే మాటల్లో నిజమెంత.? నిజాయితీ వుందా.? అన్న విషయాన్ని కూడా పోలీసులు నిర్థారించే పనిలో వున్నారు. కాగా, బాబా తనపై పలుమార్లు అత్యాచారం చేశారని, తన కోరిక తీర్చాలని ఫోన్ చేసి వేధించారని ఆవేదన వ్యక్తం చేసింది. దీంతో పోలీసులు బాబా మొబైల్ కాల్ డేటాను పరిశీలించాలని నిర్ణయించారు.

ఇక విషయంలోకి వస్తే.. తనపై రెండేళ్ల క్రితం స్వయం ప్రకటిత దైవాంశ సంభూతుడు దాతీ మహరాజ్‌ అత్యాచారం చేశాడని ఆయన భక్తురాలు అరోపించిన క్రమంలో విచారణకు హాజరైన బాబా తాను అమాయకుడినని పోలీసుల ఎదుట వివరణ ఇచ్చాడు. అయితే తన వద్ద నుంచి డబ్బు లాగేందుకు సదరు భక్తురాలు తనపై అత్యాచార అరోపణలు చేస్తున్నట్లు ఆయన అనుమానం వ్యక్తం చేశారు. అయితే సన్యాసులమని చెప్పుకునే బాబాలకు డబ్బు ఎందుకన్న విషయం మాత్రం అతను పోలీసుల విచారణలో చెప్పలేకపోయినట్లు సమాచారం. ఇదిలావుండగా, తాన క్యారెక్టర్ కు క్లీన్ సర్టిఫికేట్ ఇచ్చుకుంటున్న బాబాకు పుంసత్వ పరీక్షలు నిర్వహించాలని పోలీసులు నిర్ణయించారు.