ITEMVIDEOS: మందేసి చిందేసిన సీనియర్ హీరోయిన్లు..

Posted: 02/13/2018 01:58 PM IST

తమిళనాడు కాంగ్రెస్ అధికార ప్రతినిధిగా రాజకీయాల్లో తనదైన ముద్రవేసుకుని నాటి అందాల భామ ఖుష్బూ.. అటు రాజకీయాలతో పాటు ఇటు సినీమాల్లో క్యారెక్టర్ ఆర్టిస్టుగా నిత్యం బిజీగా గడుపుతున్న అమె.. తీరిక సమయం లభించడంతో తన తోటి స్నేహితురాళ్లు, నటీమణులు, నటులతో కలసి సేద తీరింది. ఈ క్రమంలో చెన్నైలోని సవేరా హోటల్ లో మద్యం సేవించిన అమె తన సహచరులు కోరిక మేరకు డ్యాన్సులు చేసింది. దీనిని కాస్తా అక్కడున్న వారు తమ సెల్ ఫోన్లలో బంధించి నెట్టింట్లో పోస్టు చేయడంతో అది కాస్తా వైరల్ అయ్యింది.

ఆమెతో పాటు మరో నటి సుకన్య కూడా మద్యం సేవించి డ్యాన్సులు వేసింది. చెన్నైలోని సవేరా హోటల్ లో ఓ విందు సందర్భంగా వీరిద్దరూ మద్యం మత్తులో బాలీవుడ్ సూపర్ హిట్ హిందీ సాంగ్‌ 'పియా తూ అబ్‌ తో ఆజా' అనే పాటకు స్టెప్పులేశారు. కాస్తంత వయసు మీదపడినా తమకు ఎవరూ సాటిలేరు, సాటిరారు అన్నట్లుగా ఇద్దరూ పోటీపడి మరీ డాన్స్ చేశారు. సుమారు నిమిషం, 36 గడియల సేపు నిడివి వున్న ఈ వీడియోలో అలనాటి బామలు.. ఈనాటి స్టెపులు అన్నట్లుగా వుంది. వీరిద్దరి పక్కనే ప్రముఖ నటుడు మనోబాల కూడా ఉన్నారు. ఇక ఈ వీడియోను చూసిన వారంతా ఇద్దరి స్టెప్పుల్లో గ్రేస్ తగ్గలేదని అభినందిస్తున్నారు.