ITEMVIDEOS: వారేవా.. బాహుబలి..! చేతులతో పొక్లెయినర్ ఎత్తేశాడు..!!

Posted: 05/19/2017 07:36 PM IST

దైవానుగ్రహం లేకపోతే.. కండలుతిరిగినవాడైనా గడిపోచను కదపలేడు.. అదే దైవానుగ్రహం వుంటే బక్కపల్చని వాడైన కండలు తిరిగినవాడ్ని ఎత్తికుదేస్తాడు. ఇదే నేపథ్యంలో బాహుబలి చిత్రం తొలిభాగంలో దర్శకుడు తాను బాహుబలి బిడ్డనని తెలియకుండా పెరిగుతుండగా, తల్లి భాధను చూడలేక ఏకంగా శివలింగాన్నే పెకిలించి.. ఎత్తి ఏకంగా కొండపై నుంచి ధారగా పడుతున్న జలపాతం పక్కన తెల్చిపెట్టిన సన్నివేశం గుర్తుందా..? సరిగ్గా అలాంటి సన్నివేశాన్ని నిజజీవితంలో చేసి రియల్ బాహుబలి అనిపించుకున్నాడు ఓ ప్రోక్లేనర్ డ్రైవర్.

ఒకటి కాదు రెండు కాదు ఏకంగా 30 టన్నుల భారీ పొక్లెయిన్‌ను అమాంతం పైకిలేపి మళ్లీ కింద పెట్టి.. బెంచ్ ప్రెస్ తరహాలో ఫీట్లు చేసిన ఓ డ్రైవర్ వీడియో ఇప్పుడు అంతర్జాలంలో హల్ చల్ చేస్తుంది.అతడ్ని ‘రియల్‌ బాహుబలి’ అంటూ నెటిజన్లు కీర్తించేస్తున్నారు. ఆస్ట్రేలియాలోని ఓ చిన్నపట్టణంలో. పొక్లెయిన్‌ ఆపరేటర్‌గా జీవనం సాగిస్తున్న కార్మికుడు.. స్థానికంగా వున్న ఓ నిర్మాణ సంస్థ పనులు చేస్తున్న ప్రాంతంలో లంచ్ బ్రేక్ లో తన సన్నిహితుల ప్రేరణతో సరదాగా చేసిన ఈ ఫీట్ ఇప్పుడు వైరల్ గా మారింది.

ప్నేహితులతో తాను ప్రోకెయినర్ లేపగలనని, దానితో ఫీట్లు చేయగలనని సవాల్ చేసి చేశాడో లేక బాహుబలి చిత్రం చూసి ప్రభాస్ లా తాను చేయగలనని చేశాడో తెలియదు కానీ.. ఏకంగా ముప్పై సెకండ్ల వ్యవధిలో నాలుగు పర్యాయాలు ముప్పై టన్నలు ప్రోక్లెయినర్ ను అమాతం పైకెత్తి మళ్లీ నెమ్మదిగా కింద పెట్టాడు. ‘ఆసీ కామెడీ’ ఫేస్‌బుక్‌ పేజ్‌లో షేర్‌ అయిన ఈ విడియోను గంటల వ్యవధిలోనే లక్షలమంది వీక్షించారు. వారిలో కొందరు ఏసియన్లు సదరు సాహసిని బాహుబలితో పోల్చడం విశేషం.