బ్యాంక్ అకౌంట్ లేకున్నా నగదు పంపోచ్చు.. ఎలాగంటే

Posted: 02/21/2017 06:45 PM IST

బ్యాంక్ అకౌంట్ లేకుండా కేవ‌లం ఆధార్ నంబ‌ర్‌తోనే డ‌బ్బును ట్రాన్స్‌ఫ‌ర్ చేయ‌డంతోపాటు పొందేందుకు కూడా వీలు క‌ల్పించేందుకు కృషి చేస్తోంది ఇండియా పోస్ట్ పేమెంట్స్ బ్యాంక్‌. ఈ ఏడాది సెప్టెంబ‌ర్ నుంచి ఈ బ్యాంకులు అందుబాటులోకి వ‌స్తాయ‌ని ఇండియా పోస్ట్ సీఈఓ ఏపీ సింగ్ తెలిపారు. ఇండియా పోస్ట్ పే మెంట్స్ బ్యాంక్‌లు ప్రారంభ‌మైతే ఆధార్ నంబ‌ర్‌ను అనుసంధానం చేస్తామ‌ని దీంతో ఎక్క‌డికైనా డ‌బ్బును ట్రాన్స్‌ఫ‌ర్ చేసుకోవ‌డంతోపాటు డ‌బ్బును కూడా పొందే వీలుంటుంద‌ని ఆయ‌న చెప్పారు.

తొలి ద‌శ‌లో ఈ త‌ర‌హా బ్యాంకుల‌ను దేశ‌వ్యాప్తంగా 650 జిల్లాల్లో ప్రారంభిచ‌నున్న‌ట్లు ఏపీ సింగ్ చెప్పారు. ఇప్ప‌టికే UIDA పైలెట్ ప్రాజెక్టుగా దీన్ని తీసుకుని ప్ర‌యోగం చేప‌ట్టింద‌ని ఆయ‌న తెలిపారు. మొత్తం 5 బ్యాంకుల అకౌంట్ల‌తో ఆధార్ నంబ‌ర్‌ను అనుసంధానం చేసి ప్ర‌యోగం చేసింద‌ని ఇందులో స్టేట్ బ్యాంక్ ఆఫ్ ఇండియా ఖాతాలు కూడా ఉన్న‌ట్లు ఏపీ సింగ్ వివ‌రించారు. ఈ ప్ర‌యోగం విజ‌య‌వంత‌మైంద‌ని ఈ ఏడాది సెప్టెంబ‌ర్ నుంచి ఇండియా పోస్ట్ పేమెంట్స్ బ్యాంకుల‌కు వ‌ర్తింప‌జేస్తామ‌న్నారు.