ITEMVIDEOS:పైతాన్ తో సెల్ఫీ పరాచికాలా రాజా?

Posted: 09/23/2016 04:56 PM IST

మీకు సెల్ఫీల పిచ్చి ఉందా? వెరైటీగా దిగాలని ఆలోచిస్తుంటారా? ఎప్పుడైనా ఓ కొండచిలువతో ఆ ముచ్చట తీర్చుకున్నారా? పోనీ ఇప్పుడు తీర్చుకుంటారా? అయితే ఈ వీడియో చూశాక ఇంకోసారి ఆలోచించుకోండి.

రాజస్థాన్ లోని మౌంట్ అబూ పర్వత శ్రేణుల్లోని సిరోయ్ ప్రైవేట్ హోటల్లోకి నిన్న ఓ పైతాన్ ప్రవేశించింది. వెంటనే ఫారెస్ట్ డిపార్ట్ మెంట్ వాళ్లకి సమాచారం అందించడంతో వారొచ్చి దానిని పట్టేసుకున్నారు. ఇక ఊరంతా ఆ వార్త తెలిసి అక్కడకు చేరిపోయింది. అధికారులు దానిని సమీపంలోని అడవుల్లోకి వదిలేదామన్న ఉద్దేశంతో తీసుకెళ్తుండగా కొందరు యువకులు ఫోటోలు తీయడానికి ప్రయత్నించారు.

 

అయితే ఓ యువకుడు మాత్రం కాస్త ముందుకెళ్లి దాంతో సెల్ఫీ దిగుదామని ప్రయత్నించాడు. అతని సరదా చూసి కానివ్వమన్నట్లు ఆగిపోయారు. ఆ పాముకేమో ఫోటోలంటే ఆసక్తి లేనట్లు అంతే వెంటనే దూకి అతని భుజం అందుకునే ప్రయత్నం చేసింది. అదృష్టవశాత్తూ గాయలేమీ కాకుండానే అతగాడు బయటపడ్డాడు. సెల్ఫీల పిచ్చితో తిక్క చేష్టలకు దిగేవాళ్లకి ఇదో గుణపాఠంగా చెప్పుకోవచ్చు. అయినా కొండచిలువతో సెల్ఫీ ఏంటి రాజా?