గగనతలంలో ఢికొనబోయిన ఇండిగో విమానాలు..

Posted: 08/03/2016 05:18 PM IST

Mid air crash between two indigo aircrafts averted

గువాహటి లో పెను ప్రమాదం తప్పింది. రెండు విమానాలు గాల్లో ఢీకొన‌బోయి చివ‌రి నిమిషంలో త‌ప్పించుకోవ‌డంతో అందులోని ప్రయాణికులతో పాటు విమాన సిబ్బంది సైతం ఊపిరి పీల్చుకున్నారు. గువాహటిలో ఒకదానికొకటి ఎదురుగా వచ్చిన ఈ విమానాలు వెంటుక్రవాసిలో ఢీకొనేముప్పును తప్పించుకున్నాయి. అయినప్పటికీ ఒకదానికొకటి రాపిడి చేసుకోవడంతో రెండు విమానాల్లోని ప్రయాణికులు బెదిరిపోయారు. దాదాపు నలుగురికి స్వల్పగాయాలయ్యాయి. వారికి వెంటనే వైద్య సహాయం అందించినట్టు అధికారులు తెలిపారు.

ఈ ఘ‌ట‌న క్రితం రోజు సాయంత్రం గువాహ‌టిలోని లోక‌ప్రియ గోపినాథ్ బోర్డోలోయ్ విమానాశ్ర‌యంలో జ‌రిగింది. ముంబై నుంచి గువాహ‌టి వ‌స్తున్న ఇండిగో విమానం ల్యాండ్ కావ‌డానికి సిద్ధ‌మ‌వుతుండ‌గా.. అదే స‌మ‌యంలో చెన్నై వెళ్తున్న మ‌రో ఇండిగో విమానం టేకాఫ్ అయింది. మొద‌టి విమానం దిగాల్సిన దారిలోనే ఆ విమానం వెళ్లింది. గగనతలంలో సంభవించిన ఈ ఊహించిన ప్రమాదంతో ప్రయాణికులు ఉక్కిరిబిక్కిరి అయ్యారు. దీంతో రెండు విమానాల్లోని ప్రయాణికులు తమ కళ్లు తిరిగి.. అస్వస్థతకు గురైనట్టు అనిపించిందని ఫిర్యాదు చేశారని, క్యాబిన్‌ సిబ్బందికి వెంటనే వైద్య సహాయం అందించాల్సి వచ్చిందని అధికారులు తెలిపారు.

పరిణామాన్ని ఊహించిన ఫైలట్లు అప్రమత్తతతో వ్యవహరించడంతో కొన్ని సెక‌న్ల తేడాలో ప్ర‌మాదం త‌ప్పింది. అయితే న‌లుగురు ప్ర‌యాణికులు, ఇద్ద‌రు సిబ్బంది ఈ షాక్ నుంచి తేలుకోలేక‌పోయారు. భారీ వ‌ర్షాల కార‌ణంగా గువాహ‌టి వ‌స్తున్న విమానం 250 నుంచి 300 అడుగుల ఎత్తులోనే ఎగురుతున్న‌ద‌ని, అదే స‌మ‌యంలో చెన్నై వెళ్లాల్సిన విమానం టేకాఫ్ కావ‌డంతో ఈ గంద‌ర‌గోళం నెల‌కొన్న‌ద‌ని ఇండిగో అధికార ప్ర‌తినిధి వెల్ల‌డించారు. అయితే చివ‌రికి ఆ విమానం సుర‌క్షితంగా ల్యాండైంద‌ని తెలిపారు