హర్యానాలో ఘోరం: బాధితురాలిపై మరో మారు గ్యాంగ్ రేప్

Posted: 07/16/2016 11:59 AM IST

హరియాణాలో అత్యంత దారుణ సంఘటన చోటు చేసుకుంది. మూడేళ్ల క్రితం గ్యాంగ్ రేప్ కు గురైన ఓ దళిత యువతిపై మళ్లీ సామూహిక అత్యాచారం జరిగింది. గతంలో అమెపై అఘాయిత్యానికి పాల్పడిన నిందితులే మరోసారి ఆమెపై లైంగికదాడికి పాల్పడ్డారు. గతంలో అమెపై ఐదుగురు అత్యాచారం చేయగా, ఈ సారి ఏకంగా ఏడుగురు అమెపై అఘాయిత్యానికి ఒడిగట్టారు. గతంలో అమె తమపై పెట్టిన గ్యాంగ్ రేప్ కేసును ఉపసంహరించుకోనేందుకు నిందితులు ఒత్తడి తీసుకురాగా, అందుకు అమె అంగీకరించక పోవడంతో ఈ లైంగిక దాడికి పాల్పడ్డారని బాధితురాలి కుటుంబసభ్యులు చెప్పారు.

హర్యానాలోని భివానిలో మూడేళ్ల క్రితం బాధితురాలిపై ఐదుగురు దుండగులు దారుణానికి పాల్పడ్డారు. ఈ ఘటనపై అప్పట్లో కేసు నమోదైంది. నిందితులను అరెస్ట్ చేసినా తర్వాత బెయిల్పై బయటకువచ్చారు. కేసును వెనక్కు తీసుకోవాల్సిందిగా నిందితులు బాధిత కుటుంబ సభ్యులను పలుమార్లు బెదిరించారు. బెదిరింపులు యువకులతో పాటు వారి కుటంబపెద్దలు, కులపెద్లల నుంచి కూడా ఎదురవ్వడంతో బాధిత కుటుంబం రోహ్టక్కు మారింది. రోహ్టక్లోని ఓ మహిళా కాలేజీలో బాధితురాలు ఉన్నత విద్యను అభ్యసిస్తుంది.

బాధితురాలిని ఫాలో చేసి అమె కాలేజీ వివరాలను తెలుసుకున్న నిందితులు అమెను అపహరించి మరోమారు గ్యాంగ్ రేప్ కు పాల్పడ్డారు. కాలేజీకని వెళ్లిన బాధితురాలు ఇంటికి రాలేదని కుటుంబ సభ్యులు తెలిపారు. అదే రోజు రాత్రి సుఖ్పుర చౌక్ వద్ద బాధితురాలు అపస్మారకస్థితిలో ఉన్నట్టు గుర్తించారు. ఆమె దుస్తులు చిందరవందరగా ఉన్నాయి. ఆమెను వెంటనే ప్రభుత్వాసుపత్రికి తరలించారు. నిందితులు తనను కిడ్నాప్ చేసి కారులో తీసుకెళ్లి అత్యాచారం చేశారని బాధితురాలు చెప్పింది. బాధితురాలి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి నిందితులను అరెస్ట్ చేశారు.