రేపిస్టు నుంచి తప్పించుకోనే ప్రయత్నంలో వివాహిత ఇలా చేసింది..

Posted: 03/01/2016 04:11 PM IST

బంధువులా వచ్చిన వాడు తన పాటిట రాబంధువై.. తన మానప్రాణాలను హరించాలని యత్నించడంతో.. అపరకాళీలా మారిన ఆ వివాహిత అతని నుంచి తప్పించుకునే ప్రయత్నంలో పైశాచిక మృగంలా మారిన అతని మర్మాంగాన్ని కోసి కసి తీర్చుకుంది. మధ్యప్రదేశ్ లో జరిగిన ఈ ఘటన అలస్యంగా వెలుగులోకి వచ్చింది, పోలీసులు చెప్పిన వివరాల ప్రకారం మధ్యప్రదేశ్లోని ఉమారియా జిల్లా మణిపూర్ ప్రాంతానికి చెందిన దంపతుల ఇంటికీ గత నెల 28న రాంకరణ్ ప్రజాపతి అనే దూరపు బంధువు వచ్చాడు. అతడికి అతిథి మర్యాధలు చేసిన వారు.. స్థానికంగా జరుగుతున్న ఓ జాతరకు కూడా తీసుకునిపోయి చూపించారు.

తన బంధువుపై కన్నేసిన రాంకరణ్.. అమెను బలవంతంగానైనా సొంతం చేసుకోవాలన్న యోచనతో ముందస్తు ప్రణాళిక రచించుకున్నాడు. జాతర నుంచి తిరుగు పయనంలో రమారమి ఇంటికి చేరుకున్న తరువాత.. అమె భర్తను మధ్యం తీసుకురావాల్సిందిగా పంపించాడు. అదే అదనుగా భావించిన అతను వివాహితపై అత్యాచారానికి తెగబడ్డాడు. అమె తప్పించుకునేందుకు విశ్వప్రయత్నం చేసింది. అ క్రమంలో ఆమెను ఇష్టానుసారంగా చితకబాదాడు కూడా. అయినా అమె అతని భారి నుంచి ఎలాగోలా తప్పించుకుని వంట గదిలోకి వెళ్లింది.

అక్కడ కూరగాయలు కోసే కత్తి కనిపంచగానే.. ఆమె దానిని అందుకుని తనపై దూసుకువస్తున్న మగమృగం జననాంగనాన్ని కోసివేసింది. తీవ్ర రక్తస్రావం కలుగుతుండటంతో వెంటనే ఇంటి నుంచి బయటకు వచ్చిన రాంకరణ్ స్థానిక అస్పత్రికి చికిత్స నిమిత్తం పరుగెత్తుకెళ్లాడు. కాగా పోలిసు పిర్యాదు లేనిదే తాము వైద్యం చేయలేమని అక్కడి వైద్యులు తేల్చిచెప్పడంతో.. హుటాహుటిన బాధితుడు పోలిస్ స్టేషన్ కు వెళ్లి పిర్యాదు చేసి అక్కడి నుంచి ఆసుపత్రికి వెళ్లాడు. అయితే బాధితుడి ఇచ్చిన పిర్యాదు ఆధారంగా ఎఫ్ఐఆర్ నమోదు చేసిన పోలీసులు ఆ తరువాత దర్యాప్తులో తమకు తెలసిన విషయాలను చార్జిషీటులో నమోదు చేస్తామని స్టేషన్ ఇంచార్జ్ శివ్ కుమార్ మిశ్రా చెప్పారు.

మనోహర్