ITEMVIDEOS: ప్రేమ విఫలం... సెల్ఫీ వీడియో తీసి ఆత్మహత్య

Posted: 02/09/2016 01:08 PM IST

Asst lady professor commits suicide in nellore

ప్రేమించిన ప్రియుడు పెళ్లి చేసుకోవడానికి ఒప్పుకోకుండా.. మరో అమ్మాయితో పెళ్లికి సిద్ధమయ్యాడని మాధవి అనే మహిళ ఆత్మహత్య చేసుకుంది. తన ఆత్మహత్యకు కారణాలను వివరిస్తూ ఓ సెల్ఫీ వీడియోను తీసి మరీ సూసైట్ చేసుకుంది. ఇంట్లోని ఫ్యానుకు చీరతో ఉరివేసుకొని సూసైడ్ చేసుకుంది. పోలీసులు తెలిపిన వివరాల ప్రకారం...

స్థానికి కో ఆపరేటివ్ కాలనీలకి చెందిన వీర మాధవి అనే మహిళ ఓ ప్రైవేట్ ఇంజనీరింగ్ కాలేజ్ లో ఇంగ్లీష్ లెక్చరర్ పనిచేస్తుంది. ఆదివారం మధ్యాహ్నం ఇంట్లో ఎవరూ లేని సమయంలో ఉరివేసుకొని ఆత్మహత్యకు పాల్పడింది. మాధవి ఆత్మహత్యపై అనుమానం వచ్చిన ఆమె తల్లి శాంతమ్మ సోమవారం రెండవ పట్టణ పోలీసులకు ఫిర్యాదు చేసారు. అయితే మాధవి ఆత్మహత్య చేసుకునే ముందు తన మొబైల్ లో కొన్ని మాటలను రికార్డ్ చేసింది.

అవి ఏమిటంటే... భానుతేజా ప్రేమించి పెళ్లి చేసుకుంటానని మోసం చేసావు. నీ వల్ల నేను నరకాన్ని చూసాను. నీకు దూరంగా వెళ్తున్నాను. నేను దూరంగా వెళ్లడమే నీకు కావాలి కదా. అయితే నాకు చివరి కోరిక ఒకటి వుంది. నువ్వు నాకు గాజులు తొడగాలి. బొట్టు పెట్టాలి. అక్కా(జానకి) నువ్వు నన్ను క్షమించాలి అంటూ వీడియో రికార్డ్ చేసుకొని మాధవి ఆత్మహత్యకు పాల్పడింది.

Video Source: Sakshi TV

భానుతేజ నెల్లూరులోని ఓ బంగారు దుకాణంలో పనిచేస్తుండగా మాధవికి పరిచయమయ్యాడు. ఆ పరిచయం కాస్త ప్రేమగా మారి, అతనితో కొంతకాలం ప్రేమ సాగించింది. తన జీవితాన్ని అంతా సమర్పించింది. ప్రేమించుకుంటున్న సమయంలో మాధవి తల్లి శాంతమ్మ పేరు మీద వున్న పొలం, ఇళ్లు రాసివ్వాలని కోరాడు ప్రియుడు. ఈ ఆస్తులను తన పేరు మీద రాయించుకోవాలని కోరాడు. ఈ విషయాన్ని మాధవి తన తల్లిని అడిగినప్పటికీ.. పెళ్లి అయిన తర్వాత రాసిస్తాను అని చెప్పింది. అందుకు ప్రియుడు ఒప్పుకోలేదు. ఈ విషయంలో మనస్థాపానికి గురైన మాధవి... తన ఇంట్లో ఉరి వేసుకొని ఆత్మహత్యకు పాల్పడింది.

మాధవి మరణానంతరం ఆ వీడియోను తన అక్క జానకి పరిశీలించగా ఈ విషయాలన్ని వెలుగులోకి వచ్చాయి. ఈ విషయం తెలుసుకున్న మాధవి తల్లి శాంతమ్మ రెండవ పట్టణ పోలీస్ స్టేషన్లో ఫిర్యాదు చేసింది. ఆమె ఫిర్యాదును స్వీకరించిన పోలీసులు మృతదేహానికి ఏరియా వైద్యశాలలో పోస్టుమార్టం నిర్వహించారు.