ఎమర్జెన్సీ: ఖట్మాండుపై ప్రకృతి కన్నెర.. ఎటు చూసినా.. ఆర్తనాధాలు.. శిధిలాలు..

Posted: 04/25/2015 03:44 PM IST

నేపాల్లో భూమి తల్లి ప్రళయకార నృత్యాన్ని చేయడంతో.. కాకావికళమైన తమ ప్రజలను ఆదరుకునేందుకు ప్రభుత్వం ఎమర్జనీ ప్రకటించింది. నేపాల్లో భూకంప తీవ్రత రికర్ట్ స్కేల్పై 8.1గా నమోదైనట్లు చైనా ప్రకటించింది. ఖట్మండ్కు 83 కిలోమీటర్ల దూరంలో భూకంప కేంద్రం ఏర్పడింది. నేపాల్లోని లాంజర్ ప్రాంతంలో భూమి కంపించింది. నేపాల్ సరిహద్దు రాష్ట్రాలలో భూకంపం ప్రభావం తీవ్రంగా ఉన్నట్లు అధికారులు అంచనా వేస్తున్నారు. నేపాల్లో టెలీకమ్యూనికేషన్ వ్యవస్థ నిలిచిపోయింది. భూప్రకంపనల ధాటికి ఖట్మండు ఎయిర్పోర్ట్ మూసివేశారు. ఖట్మండులో భవనాలు కూలిపోయాయి. ధుమ్ముదూళితో నిండిపోయింది.

ఖట్మండు సమీపంలో భూకంప ప్రభావం 7.7గా రిక్టర్ స్కేల్పై నమోదైంది. భూకంప ప్రభావంతో కొండ రాష్ట్రం వణికిపోయింది. డెహ్రాడూన్లో జనం పరుగులు తీశారు. భూకంపం కారణంగా ఎవరెస్ట్పై మంచు తుపాను చెలరేగింది. పలువురు పర్వతారోహకులు గల్లంతయ్యారు. కష్టకాలంలో వున్న పోరుగు దేశం నేపాల్ ను ఆదుకునేందుకు భారత్ ముందుగా చేయినందించింది. భారత ప్రభుత్వం నేపాల్కు సహాయక బృందాలను పంపుతోంది. ఈ మధ్యాహ్నం 3 గంటలకు ప్రధాన మంత్రి నరేంద్ర మోదీ ఉన్నతాధికారులతో అత్యవసరంగా సమావేశం కానున్నారు. భూకంపంపై అధికారులతో ఆయన చర్చిస్తారు.

జి. మనోహర్