Posted: 01/08/2013 01:18 PM IST

సీఎం రాజీనామా అంటే  .. మన సీఎం నల్లారి కిరణ్ కుమార్ రెడ్డి కాదులేండి?    ఈ సీఎం  జార్ఖండ్  ముఖ్యమంత్రి అర్జున్ ముండా తన పదవికి రాజీనామా చేశారు. జార్ఖండ్‌లో రాజకీయ సంక్షోభం తలెత్తింది. బీజేపీ, జేఎంఎం నేతల మధ్య విబేధాలు తలెత్తడంతో జేఎంఎం నేతలు ప్రభుత్వానికి మద్దతు ఉపసంహరించుకున్నారు. ఈ నేపథ్యంలో బీజేపీ ప్రభుత్వం మైనార్టీలో పడింది. దీంతో జార్ఖండ్ ముఖ్యమంత్రి అర్జున్ ముండా సీఎం పదవికి రాజీనామా చేశారు. రాజీనామా పత్రాన్ని గవర్నర్ సయీద్ అహ్మద్‌కు సమర్పించారు. మరోవైపు జేఎంఎం నేతలు కూడా ప్రభుత్వానికి మద్ధతు ఉపసంహరించుకుంటున్నట్లు గవర్నర్‌కు లేఖ అందజేశారు.  ఈ రోజు ఉదయం  అత్యవసర  మంత్రి వర్గ  సమావేశాన్ని  నిర్వహించిన  ముండా.. అసెంబ్లీ రద్దు  కోరుతూ  గవర్నర్  కు సిఫార్సు  చేయాలని  నిర్ణయం తీసుకున్నారు.