Posted: 01/08/2013 01:23 PM IST

కాంగ్రెస్ పార్టీలో  కేంద్ర పర్యాటక శాఖ మంత్రి  చిరంజీవి అంచలెంచలుగా ఎదుగుతున్నారు. చిరంజీవి  తనదైన శైలిలో  కాంగ్రెస్ పార్టీలో  దూసుకుపోతున్నారు.  ఈ రోజు నెల్లూరు జిల్లాలో ఏర్పాటు చేసిన  హరిత ఫ్లెమింగో ఉత్సవాలను కేంద్ర పర్యాటక శాఖ మంత్రి చిరంజీవి సూళ్లూరుపేటలో ప్రారంభించారు. ఈ ఉత్సవాలు నేటి నుంచి మూడురోజుల పాటు జరగనున్నాయి. ఈ సందర్భంగా చిరంజీవి మాట్లాడుతూ నెల్లూరు తన జన్మభూమి అన్నారు. మత్స్యకారులకు ఎలాంటి సమస్య రానివ్వనని ఆయన హామీ ఇచ్చారు. ఇతర దేశాల్లో అభివృద్ధి టూరిజంపైనే ఆధారపడి ఉందని చిరంజీవి అన్నారు. ఈ కార్యక్రమానికి మంత్రులు ఆనం రాంనారాయణ రెడ్డి, వట్టి వసంత్ కుమార్ హాజరయ్యారు. అధిక సంఖ్యలో  చిరంజీవి అభిమానులు  రావటంతో  అక్కడ మెగా సందడి నెలకొంది?