Posted: 09/05/2012 07:09 PM IST

తమిళనాడులోని శివకాశిలో బాణాసంచా ఫ్యాక్టరీలో భారీ పేలుడు ప్రమాదం సంబవించింది. శివకాశిలోని మెదలిపట్టిలోని ఓంశక్తి ఫైర్ వర్క్ ఫ్యాక్టరీలో ఈ రోజు జరిగిన ఈ పేలుళ్ళలో 50 మంది మరణించారు. మరో 50 మందికి తీవ్ర గాయాలు అయ్యాయి. మరో 25 మంది సృహకోల్పోయారు. శివకాశిలో ఉన్న ఫైర్ వర్క్స్ ఫ్యాక్టరీలలో అన్నింటి కన్నా పెద్ద కంపెనీగా చెప్పుకునే ఈ ఫ్యాక్టరీలో దాదాపుగా 300 మంది పనిచేస్తుంటారు. కార్మికులు అందరు పనిలో నిమగ్నమైన వేళలో ఈ ప్రమాదం జరగడంతో భారీగా ప్రాణ నష్టం జరిగింది. పేలుడు ధాటికి ఫ్యాక్టరీలో ఉన్న 40 గదులు ధ్వంసం అయ్యాయి. సమాచారం తెలుసుకున్న అధికారులు ఫైర్ సిబ్బంది అక్కడకు చేరుకొని సహాయక చర్యలు చేపట్టారు. గాయ పడిన క్షత గాత్రులను క్షతగాత్రులను స్థానిక ఆస్పత్రులకు తరలించారు. అయితే ఈ ఫ్యాక్టరీలో ఎక్కువగా చిన్నారులే పని చేయడం గమనార్హం.