Posted: 03/06/2013 09:16 PM IST

‘సిమ్స్’ తరహా మోసం మరొకటి వెలుగుచూసింది. అధిక వడ్డీ ఎరచూపి సామాన్య, మధ్య తరగతి వేతన జీవులను నట్టేట ముంచేశారో జంట.  దువ్వాడ జోన్ పోలీస్‌స్టేషన్ పరిధిలో జరిగిన ఈ సంఘటనకు సం బంధించిన వివరాలు ఇలావున్నాయి. పరవాడకు చెందిన నారోతో మమత, వీరమళ్ల ఉదయ్‌భాస్కర్ దంపతులు అగనంపూడిలో నివాసముంటున్నారు. ఉదయ్‌భాస్కర్ రాంకీ ఫార్మాసిటిలోని ఫార్మాజెల్‌లో ఉద్యోగం చేస్తున్నాడు. దంపతులిద్దరూ కూర్మన్నపాలెంలో ‘రాజరాజేశ్వరి షేర్స్ అండ్ కమోడిటీస్ ఆన్‌లైన్ ట్రేడింగ్’ పేరుతో బంగారు, వెండి ఆన్‌లైన్ ట్రేడింగ్‌ను ప్రారంభించారు. వ్యాపారం లో అనూహ్య లాభాలు వస్తున్నాయని నమ్మబలికారు. పెట్టుబడి పెడితే కనీసం 7 రూపా యలు వడ్డీ చెల్లిస్తామని ఫార్మాజెల్ ఉద్యోగులను ఆకర్షించారు. దీంతో ఈ కంపెనీతోపాటు వివిధ కంపెనీలకు చెందిన ఉద్యోగులు పెద్ద మొత్తం వీరిలో చేతిలో పెట్టారు. చివరికి నష్టాల్లో మునిగిపోయామంటూ చేతులెత్తేశారు. పరిస్థితి చేయిదాటి పోవడంతో అగనంపూడి నుంచి శ్రీహరిపురం సమీపంలోని గొల్లలపాలేనికి మకాం మార్చేశారు. వడ్డీమాటుంచితే అసలు కూడా ఇవ్వకుండా తప్పించుకు తిరుగుతుండడం, మ కాం మార్చేడంతో బాధితులు పోలీ సులకు ఫిర్యాదు చేశారు. సీఐ టి.త్రినాథ్ సారధ్యంలో ఎస్‌ఐ సన్యాసిరావు కేసు నమోదుచేశారు.