పక్కా సమాచారంతోనే-తిరుమలే తీవ్రవాదుల లక్ష్యం..?

Posted: 10/05/2013 07:06 PM IST

చిత్తూరు జిల్లాలోని పుత్తూరులో తలదాచుకున్న తీవ్రవాదుల లక్ష్యం తిరుమల అయివుంటుందని పోలీసులు అనుమానం వ్యక్తం చేస్తున్నారు. శ్రీవారి గరుడోత్సవానికి చెన్నై నుండి వచ్చే గొడుగుల్లో బాంబులు అమర్చేందుకు వీరు కుట్ర పనినట్లు భావిస్తున్నారు. ఆలయంలోని ఓ పూజారి సాయంతో బాంబు అమర్చేందుకు తీవ్రవాదులు పన్నాగం పన్నినట్లు పోలీసులు అనుమానిస్తున్నారు. దీంతో ఆంధ్రప్రదేశ్ తమిళనాడు పోలీసులు అప్రమత్తమయ్యారు.

 

పక్కా సమాచారంతోనే...

తమిళనాడులో చెన్నయ్ ప్రత్యేక దర్యాప్తు బృందానికి ఈ మధ్యే పట్టుబడ్డ అల్ఉమ సంస్థకు చెందిన ఫకృద్దీన్ ఇచ్చిన సమాచారం మేరకు పోలీసులు పుత్తూరులో దాడులు నిర్వహించారని తెలుస్తోంది. కాగా అద్వానీ మధురై పర్యటన సందర్భంగా అల్‌ఉమ సభ్యులు బాంబు పేల్చేందుకు ప్రయత్నించి విఫలమయ్యారు. బెంగళూరు ఆర్ఎస్ఎస్ ప్రధాన కార్యాలయంపై దాడిలో ఈ సంస్థ పాత్ర ఉంది. అలాగే కోయంబత్తూరు వరుస పేలుళ్లు కూడా అల్‌ఉమ పనేనని పోలీసులు చెబుతున్నారు.