తిరుమలలో వెంకటేశ్వర స్వామివారి వార్షిక బ్రహ్మోత్సవాలు అత్యంత వైభవంగా జరుగుతున్నాయి. బ్రహ్మోత్సవాల్లో భాగంగా ఈరోజు ఉదయం స్వామివారు సింహ వాహనంపై ఊరేగింపుగా తరలివస్తుండగా, సాయంత్రం ముత్యపు పందిరి వాహనంపై భక్తులకు దర్శనమిస్తారు.కన్నుల పండువగా సాగే బ్రహ్మాండనాయకుని బ్రహ్మోత్సవాల శోభతో తిరుమల క్షేత్రం భూలోక వైకుంఠాన్ని తలపిస్తోంది. రెండోరోజు ఉత్సవాల్లో భాగంగా మలయప్ప స్వామివారు చదువుల తల్లి సరస్వతి దేవి అవతారంలో వీణాపాణి అయి హంసవాహనంపై ఊరేగుతూ భక్తులకు దర్శనమిచ్చారు.
వేదగానాలు, మంగళవాయిద్యాల మధ్య ఏడుకొండలవారు కదలివచ్చారు. రాత్రి 9 గంటలకు ప్రారంభమైన ఈ వాహన సేవ 11 గంటల వరకు నయనానందకరంగా సాగింది. పురాణ ఇతిహాసాల్లో హంసను.. పాలను, నీళ్లను వేరు చేసే గుణం కలదిగా చెప్పుకుంటారు. ఈ రీతిలోనే సమాజంలో నెలకొన్న మంచి చెడులను వేరు చేయాలని భక్త జనావళికి బోధిస్తూ స్వామివారు హంసవాహనంపై ఎక్కి వస్తారని భక్తులు నమ్ముతారు. అంతేకాదు సృష్టికర్త బ్రహ్మ వాహనం కూడా హంస అని, ఆ వాహనంపై దేవదేవుడిని కనులారా చూసిన అశేష భక్తజనం భక్తి సాగరంలో మునిగిపోతారు. ఏడాదికి ఒకసారి వచ్చే ఈ బ్రహ్మోత్సవాల్లో తరిస్తే ఇక్కట్లు తొలుగుతాయని భక్తులు నమ్ముతారు. ఈ బ్రహ్మోత్సవాలలో భాగంగా టిటిడి ధర్మ ప్రచార పరిషత్ ఆధ్వర్యంలో ఏర్పాటు చేసిన భజనలు, కోలాటలు, వివిధ సాంస్కృతిక కార్యక్రమాలు విశేషంగా ఆకట్టుకున్నాయి.
తమిళనాడును తాకిన సమైక్య సెగ
రాష్ట్రంలో జరుగుతున్న సమైక్య ఉద్యమ సెగ తమిళనాడును తాకింది. తెలుగు గంగ ద్వారా చెన్నైకి నీటి తరలింపును సమైక్యవాదులు ఈరోజు అడ్డుకున్నారు. చిత్తూరు జిల్లా శ్రీకాళహస్తి కల్లిపూడి వద్ద కాలువ షటర్లను ఆందోళన కారులు మూసివేసేందుకు ప్రయత్నించారు. సమైక్యవాదులను అడ్డుకునేందుకు పోలీసులు ప్రయత్నించడంతో ఉద్రిక్త వాతావరణం చోటు చేసుకుంది. అభివృద్థి పథంలో పయనిస్తున్న రాష్ట్రాన్ని కేంద్ర మంత్రి చిదంబరం తన స్వార్థ కోసం విభజించారంటూ సమైక్యవాదులు ఆగ్రహం వ్యక్తం చేశారు. చిదంబరానికి వ్యతిరేకంగా సమైక్యవాదులు నినాదాలు చేశారు. తాము తమిళనాడు ప్రజలకు వ్యతిరేకం కాదని, రాష్ట్ర విభజనకు బీజం చేసింది చిదంబరమేనని సమైక్యవాదులు మండిపడ్డారు.
(And get your daily news straight to your inbox)
Apr 02 | టాలీవుడ్ లో సరికొత్త కథలకు, సరిగ్గా సరిగ్గాసరిపోయే హీరోగా ప్రభాస్ ముందు వరుసలో ఉంటాడు. ... Read more
Dec 26 | మరి కొన్ని రోజుల్లో కొత్త సంవత్సరం రాబోతుంది. ఆ రోజు కలియుగ దైవం అయిన ఏడుకొండల వాడిని దర్శించుకోవడానికి వచ్చే భక్తులకు టీటీడీ కండీషన్లు పెట్టింది. కొత్త సంవత్సరం రోజున తిరుమల శ్రీనివాసుని దర్శించుకునేందుకు... Read more
Dec 17 | ప్రపంచ ప్రసిద్ధి పొందిన తిరుమలేశుని లడ్డూ ప్రసాదంలో ఇనుప నట్టు ప్రత్యక్షం కావడం అందరినీ ఆశ్చర్యపరుస్తోంది. కడప జిల్లా చక్రాయపేట మండలానికి చెందిన ఉపాధ్యాయుడు రామచంద్ర గండి క్షేత్రంలో ఈ లడ్డును కొనుగోలు చేశారు.... Read more
Dec 12 | పుట్టిన ఊరు, ఓటేసిన ఓటరు తీర్పునకు అనుకూలంగా నడుచుకునే వారు ఒకరైతే.. ఓటరు గీటరు నైజాన్తా.. అధిష్టానానికే మా ఓటు అని మరో ఎంపి చింతమోహన్. రాష్ట్ర విభజనపై కేంద్ర కేబినెట్ నిర్ణయంతో ప్రభుత్వం... Read more
Dec 07 | తిరుచానూరు పద్మావతి అమ్మవారి కార్తీకబ్రహ్మోత్సవాల్లో భాగంగా ఈరోజు ఉదయం అమ్మవారి సారె ఊరేగింపు ఘనంగా జరుగింది. పెద్ద సంఖ్యలో భక్తులు ఈ కార్యక్రమంలో పాల్గొన్నారు. తిరుపతి నుంచి అమ్మవారి సారె వెంబడి ఓ గరుడ... Read more