నిమ్మకాయ తీసుకోండి.. ఆరోగ్యంగా ఉండండి

Posted: 05/15/2015 11:10 AM IST

నిమ్మకాయలో పోషక విలువలు అధికంగా నిల్వవుండటంతో అది ‘ఆరోగ్య ప్రదాయని’గా పేరుగాంచింది. అందుకే.. రెగ్యులర్ డైట్ లో నిమ్మకాయను చేర్చుకోవాల్సిందిగా ఆరోగ్య నిపుణులు, వైద్యులు సూచిస్తుంటారు. నిమ్మలో ఆరోగ్యానికి కావలసిన పోషకాలు దాగివున్నాయి. నిమ్మకాయను ఆహారంలో చేర్చుకోవడం ద్వారా ఒబిసిటీ, అలెర్జీ, మొటిమలకు చెక్ పెట్టొచ్చు. అలాగే.. మానవ శరీరానికి అవసరమయ్యే సిట్రిక్ ఆసిడ్ కూడా ఈ నిమ్మలో వుంటుంది. ఈ నిమ్మతో కలిగే మరిన్ని ఆరోగ్య ప్రయోజనాలేంటో తెలుసుకుందాం..

నిమ్మతో కలిగే ఆరోగ్య ప్రయోజనాలు :

* ప్రతిరోజూ ఉదయం గోరువెచ్చని నీటిలో నిమ్మరసాన్ని పిండి, అందులో కాస్త తేనె కలుపుకుని తాగితే పేగులోని మలినాలను పూర్తిగా తొలిగిపోతాయి. తద్వారా కడుపు సంబంధిత సమస్యలు చాలావరకు దూరమవుతాయి.
* ఒక గ్లాసులో కాస్త నిమ్మరసం తీసుకుని అందులో కాస్త తులసి, తేనె కలుపుకుని తాగితే.. గొంతునొప్పి వెంటనే నయం అవుతుంది. శరీరంలో సెల్ డామేజ్ నుంచి ఉపశమనం లభిస్తుంది. వృద్ధాప్య ఛాయలను నయం చేస్తుంది.
* నిమ్మంలో పొటాషియం అనే ఖనిజం వుంటుంది. ఇది హైబీపీని కంట్రోల్ చేస్తుంది. అలాగే రక్తంలో వున్న మలినాలను తొలగించి, ఫ్రెష్ గా వుండేలా చేస్తుంది.
* నిమ్మలో విటమిన్ సి అధిక మోతాదులో వుంటుంది. ఇది శరీరంలో వ్యాధి నిరోధక శక్తి పెంచడంలో దోహదపడుతుంది.
* వేడి నీటిలో నిమ్మరసాన్ని కలుపుకుని తాగితే.. శరీరంలో ఉన్న చెడు కొలెస్ట్రాల్ కరిగిపోతుంది.
* రోజూ వ్యాయామానికి తర్వాత ఒక గ్లాసు నిమ్మరసాన్ని తీసుకోవడం ద్వారా బలం చేకూరుతుంది. రోజూ నిమ్మరసాన్ని తీసుకోవడం ద్వారా క్యాన్సర్‌ను దూరం చేసుకోవచ్చు.
* నీరసం, అలసట, మానసిక ఒత్తిడి ద్వారా వచ్చే తలనొప్పికి చెక్ పెట్టాలంటే.. లెమన్ టీ తీసుకోవడం మంచిది.
* ఒక గ్లాసు నీటిలో ఉప్పు, నిమ్మరసం, పంచదార వేసి పిల్లలకు ఇస్తే కడుపునొప్పి మాయమవుతుంది.
* గాయాలను సైతం నిమ్మ సులువుగా మాయం చేస్తుంది. గాయం తగిలిన చోట, నిమ్మరసాన్ని రాస్తే గాయాలు మానిపోతాయి.
* నిమ్మరసాన్ని ఆహారంలో చేర్చుకోవడం ద్వారా ఊపిరితిత్తులు ఆరోగ్యంగా ఉంటాయని ఆరోగ్య నిపుణులు అంటున్నారు.