వేసవిలో ఆరోగ్యానికి మేలుచేసే ‘ముల్లంగి’

Posted: 05/13/2015 04:57 PM IST

Summer health benefits radish healthy home remedies foods

వేసవికాలంలో సూర్యునితాపం ఎక్కువగా వుండటం వల్ల రకరకాల వ్యాధులు సంక్రమించే అవకాశాలున్నాయి. అయితే.. వాటి నుంచి ఉపశమనం పొందాలంటే నిత్యం పోషకాహారం తీసుకోవాలని ఆరోగ్య నిపుణులు సూచిస్తున్నారు. సహజంగా ప్రకృతిపరంగా లభించే ఆహారాల్లో మానవ శరీరానికి అవసరమయ్యే పోషకవిలువలు (మినరల్స్, ఖనిజాలు, విటమిన్లు, ఇతర న్యూట్రియెంట్లు) నిల్వవుంటాయి. అటువంటి వాటిల్లో ముల్లింగి కూడా ఎన్నో ఔషధగుణాలతో నిండివున్న పోషకాహారంగా వైద్యులు పేర్కొంటున్నారు.

ఈ ముల్లంగిలో విటమిన్ ఎ, సి, ఇ, యాంటీ-యాక్సిడెంట్స్ వంటి న్యూట్రీషన్స్ అధిక మోతాదులో వున్నాయి. అలాగే క్యాన్సర్ కణాలతో పోరాడే పోషకాలు ఇందులో పుష్కలంగా వుంటాయి. ఇన్ని ఔషధగుణాలు నిండి వున్న ఈ ముల్లంగిని ఉడికించి తీసుకుంటే.. శరీరానికి కావలసిన పిండి పదార్థాలు లభిస్తాయి. అలాగే సలాడ్స్ రూపంలో.. నాన్ వెజ్‌లో నచ్చిన విధంగా ఈ ముల్లంగిని తీసుకోవచ్చు. మధుమేహ వ్యాధిగ్రస్థులకు ముల్లంగి ఎంతో మేలు చేస్తుంది. రక్తంలోని కొలెస్ట్రాల్‌ను తగ్గించే ముల్లంగి డయాబెటిస్‌ను నియంత్రిస్తుంది.

ముఖ్యంగా ముల్లంగిని వేసవిలో ముల్లంగి తీసుకుంటే శరరాన్ని డీహైడ్రేషన్ నుంచి కాపాడి.. చల్లగా మార్చుతుంది. ముల్లంగిని వారానికి రెండు లేదా మూడు సార్లు తీసుకుంటే వేసవి తాపం నుంచి ఆరోగ్యాన్ని కాపాడుకోవచ్చు. అలాగే చర్మ సంరక్షణకు కూడా ముల్లంగి దివ్యౌషధంగా పనిచేస్తుంది. డ్రై స్కిన్‌కు ముల్లంగి చెక్ పెడుతుంది. ముల్లంగిలోని వాటర్ కంటెంట్, విటమిన్ సి, ఫాస్పరస్ ధాతువులు చర్మాన్ని తేమగా ఉంచుతుంది.

ముల్లంగిలో పుష్కలంగా వున్న పోషక విలువలు :
* కార్బొహైడ్రేట్ : 3.4 గ్రా
* విటమిన్ బి6 : 0.071 మి. గ్రా
* విటమిన్ సి : 14.8 మి. గ్రా
* క్యాల్షియం : 25 మి. గ్రా.
* ఐరన్ : 0.34 మి.గ్రా.
* మెగ్నీషియం : 10 మి. గ్రా.
* మాంగనీస్ : 0.069 మి.గ్రా.
* పొటాషియం : 233 మి. గ్రా.