ఈ లవర్ బాయ్ అక్కడ, ఇక్కడ్ ఫుల్ బిజీ!

Posted: 07/09/2015 11:30 AM IST

Naga shourya busy with back to back movie shootings tollywood news telugu young heroes

టాలీవుడ్ యంగ్ లవర్ బాయ్ గా పేరొందిన హీరో నాగశౌర్యం.. ఇటీవలే ‘జాదుగాడు’ సినిమాతో తనలో దాగిన ‘మాస్’ని చూపించాడు. కానీ.. ఆ సినిమా ఆశించినంత ఫలితాన్ని అందివ్వలేదు. అయితేనేం.. ఈ హీరోకి వరుసగా ఆఫర్లు వస్తున్నాయి. ప్రస్తుతం శౌర్య రెండు సినిమాలతో ఫుల్ బిజీగా వున్నాడు. కొద్దిరోజులు ఓ మూవీ షూటింగ్ లో పాల్గొంటే.. మరికొన్ని రోజులు మరో షూటింగ్ లో పాల్గొంటూ ఫుల్ బిజీ అయిపోయాడు.

అందులో ముందుగా నందిని రెడ్డి డైరెక్షన్ లో చేస్తున్న ‘కళ్యాణ వైభోగమే’ సినిమా శరవేగంగా షూటింగ్ జరుపుకుని చివరిదశకు చేరుకుంది. ఇప్పటికే 80% పైగా షూటింగ్ పూర్తైన ఈ సినిమాని ‘శ్రీ రంజిత్ మూవీస్ బ్యానర్’పై దామోదర ప్రసాద్ నిర్మిస్తున్నాడు. ఇందులో హీరోయిన్ గా ‘ఎవడే సుబ్రహ్మణ్యం’ ఫేం మాళవిక నాయర్ నటిస్తోంది. పర్ఫెక్ట్ లవ్ అండ్ ఫ్యామిలీ ఎంటర్టైనర్ నేపథ్యంలో రూపొందుతున్న ఈ చిత్రం త్వరలోనే ప్రేక్షకుల ముందుకు రానుంది. ఈ సినిమాకి సంబంధించిన పూర్తి వివరాలు దర్శకనిర్మాతలు త్వరలోనే అధికారికంగా ప్రకటించనున్నారని సమాచారం.

ఇక ఈ సినిమాతోపాటు నాగ శౌర్య హీరోగా రమేష్ వర్మ డైరెక్షన్ లో మరో సినిమా చేస్తున్నాడు. శరవేగంగా షూటింగ్ జరుగుతున్న ఈ సినిమా టాకీ పార్ట్ కూడా దాదాపు 70% పూర్తి కావచ్చింది. ఈ సినిమాకి మాస్ట్రో ఇళయరాజా సంగీతం అందిస్తుంటే.. శ్యాం కె నాయుడు సినిమాటోగ్రఫీ అందిస్తున్నాడు. ఇలా ఈ విధంగా యువహీరో నాగ శౌర్య ఈ రెండు సినిమాల షూటింగ్ లో కంటిన్యూగా బిజీగా ఉన్నాడు. కొద్ది రోజులు నందిని రెడ్డి సినిమా కొద్ది రోజులు రమేష్ వర్మ సినిమా అస్సలు గ్యాప్ లేకుండా బిజీబిజీగా ఉన్నాడు.