గంగాభవాని ఆలయ ప్రహరీ గోడ కూల్చివేత

Posted: 04/18/2013 05:08 PM IST

హైదరాబాద్ లో రోజు రోజుకు గొడవలు పెరిగిపోతున్నాయి . ఎప్పుడు ఏ వర్గం ప్రజలు గొడవపడతారో, ఎక్కడ బాంబులు పేలతాయోనని, భయంతో హైదరాబాద్ ప్రజలు వణికిపోతున్నారు . నిన్నటి పవర్ ధర్నాలతో నగరం రగిలిపోయింది. . ఇప్పుడు మరో కొత్త సమస్య తెరపైకి వచ్చింది. గంగాభవాని ఆలయం గోడ కూల్చివేత పై నగర ప్రజలు మండిపడుతున్నారు .రామాంతపురంలోని చిన్నచెరువు దగ్గర గల గంగాభవాన్ని ఆలయంలో ప్రదక్షణల కోసం నిర్మిస్తున్న ప్రహరీగోడను జీహెచ్ఎంసీ అధికారులు కూల్చివేశారు. ఈ రోజు ఉదయం భారీ పోలీసు బందోబస్తుతో వచ్చిన అధికారులు జేబీసీ తో ప్రహరీ గోడను కూల్చివేశారు. అధికారుల తీరుపై అక్కడి స్థానికులు ఆగ్రహం వ్యక్తపరుస్తున్నారు. నేలమట్టం చేసిన ప్రహరీగోడను పునరుద్దరించాలని బీజేపీ నేత ఎస్‌వీఎస్ఎస్ ప్రభాకర్ డిమాండ్ చేశారు. మరోవైపు గంగాభవాని ఆలయ ప్రహరీగోడ కూల్చివేతపై స్థానికులు ఆందోళనకు దిగారు. ఉప్పల్‌లో రోడ్డు పై బైఠాయించి వాహనాలను నిలిపవే శారు. కూల్చివేసిన ప్రహరీ గోడను వెంటనే పునరుద్దరించాలని డిమాండ్ చేశారు. వీరి ఆందోళనకు బీజేపీ నేత ఎన్‌వీఎస్ఎస్ ప్రభాకర్ మద్దతు తెలిపారు.