Posted: 01/03/2013 04:14 PM IST

       జంటనగరాల్లో రాత్రిపూట ఎక్కడ పడితే అక్కడ పడుకునే వారికి జీహెచ్ఎంసీ షెల్టర్లు ఏర్పాటు చేయాలని జీహెచ్ఎంసీ ఎప్పటి నుంచో ప్రయత్నిస్తోందని మనకు తెలుసు. నగరంలోని వివిధ ప్రాంతాల్లో ఉన్న ఫ్లై ఓవర్ల కింద ఉన్న ఖాళీ స్థలంలో రాత్రి పూట వీరు తలదాచుకునేందుకు వీలుగా షెల్టర్లు నిర్మించాలని తాజాగా నిర్ణయించారు. తొలుత డబీర్‌పురా, బేగంపేట ప్రాంతాల్లో నిర్మించనున్నారు. ఫ్లైఓవర్ల కింద షెల్టర్ల నిర్మాణం వల్ల రాత్రిళ్లు ఫుట్‌పాత్‌ల మీద, పార్కుల్లో, రోడ్ల మీద ఎక్కడ పడితే అక్కడ పడుకునేవాళ్ల్లు ప్రమాదాలకు గురికాకుండా చూడొచ్చని అధికారులు  భావిస్తున్నారు.
             ఐదు లక్షల జనాభా దాటిన ప్రతి నగరంలోనూ ప్రతి లక్ష మందికి ఒకటి చొప్పున రాత్రి షెల్టర్లను ఏర్పాటు చేయాలని సుప్రీంకోర్టు 2010లో అన్ని రాష్ట్ర ప్రభుత్వాలను ఆదేశించింది. వాటిలో విద్యుత్, మంచినీరు, మరుగుదొడ్లు, వంట శాలలు, పడకలు, ఫ్యాన్లు, లైట్లు, జీవనాధారానికి కావల్సిన ఇతర అవకాశాలు ఉండాలని నిర్దేశించింది. దీనికి అనుగుణంగా 2010 చివరినాటికి జీహెచ్ఎంసీ 60 షెల్టర్లను ఏర్పాటు చేయాలి. కానీ స్వచ్ఛంద సంస్థల సహకారంతో తొమ్మిది షెల్టర్లను ఏర్పాటు చేసింది. వీటిలో పురుషులకు ఆరు, మహిళలకు మూడు ఉన్నాయి. వీటికి అదనంగా మరో 11 భవనాలను జీహెచ్ఎంసీ గుర్తించింది.

...avnk