Posted: 05/31/2012 09:44 PM IST

హోర్డింగులపై జీహెచ్‌ఎంసీ కొరడా ఝుళిపించాలని నిర్ణయించింది. ఇందులోభాగంగా పదిరోజుల్లోగా అన్ని హోర్డింగులకూ ఏఐఎన్(అడ్వర్టైజ్‌మెంట్ ఐడెంటిఫికేషన్ నెంబర్)లను ఏర్పాటు చేయాలని ఆదేశించింది. లేనిపక్షంలో తొలగిస్తామని స్పష్టం చేసింది. నగరంలో అక్ర మ హోర్డింగులు ఏర్పాటైన విషయం తెలిసిందే. అనుమతులు పొందినవాటిలో సైతం భారీగా అక్రమాలు చోటుచేసుకున్నాయి.

అధికారులు బుధవారమే ప్రకటనల ఏజెన్సీలతో అత్యవసర సమావేశాన్ని నిర్వహించింది. జీహెచ్‌ఎంసీ ప్రకటనల విభాగం అదనపు కమిషనర్ ధనంజయ్‌డ్డి అధ్యక్షతన జరిగిన సమావేశంలో యాడ్ ఏజెన్సీల ప్రతినిధులు పాల్గొన్నారు.ఏఐఎన్‌లను పదిరోజుల్లోగా ఏర్పాటు చేయకుంటే హోర్డింగులను తొలగించనున్నట్లు స్పష్టంచేశారు. శ్మశానవాటికలు, ప్రార్థనాస్థలాలు, ఆలయాల వద్ద ఏర్పాటు చేసిన హోర్డింగులను 15 రోజుల్లోగా తొలగించాలని ఆదేశించారు. లేనిపక్షంలో ప్రస్తుత ఆర్థిక సంవత్సరానికి సంబంధించిన రెన్యువల్స్‌ను నిలిపివేస్తామని చెప్పారు. అక్రమ హోర్డింగులను వెంటనే తొలగించకుంటే ఆయా ఏజెన్సీలకు చెందిన అనుమతులు పొందిన హోర్డింగులను కూడా కూల్చివేయనున్నట్లు స్పష్టంచేశారు.