జలమండలి పుట్టి మునుగుతున్నా.. లోటు బడ్జెట్‌తో నడుస్తున్నా.. స్వీయ నష్టాలను పూడ్చుకొనే ప్రయత్నాలు చేయడం లేదు. పైగా జనంపై భారం మోపుతూ పబ్బం గడుపుకొనే యోచనలో ఉంది. ఈ క్రమంలోనే నెల క్రితం నీటి చార్జీలను భారీగా పెంచేసింది. ఈ క్రమంలోనే నెల రోజులుగా వివిధ రాజకీయ పక్షాలు బోర్డు ప్రధాన కార్యాలయాన్ని ముట్టడించాయి. పెద్ద ఎత్తున ఆందోళనలు నిర్వహించాయి. అయినా ఛార్జీల తగ్గింపుపై పునరాలోచనకు బోర్డు వర్గాలు సుముఖంగా లేవు. హోదా రీత్యా ముఖ్యమంత్రి చైర్మన్‌గా ఉన్న జలమండలి తీరు నీటిబిల్లుల పెంపుతో వివాదాస్పదమైంది. తాజాగా గ్రేటర్‌లో సగటు జీవిపై జలఖడ్గం ఝలిపించిన జలమండలి వైఖరిని రాష్ట్ర సర్వోన్నత న్యాయస్థానం సోమవారం తీవ్రంగా ఆక్షేపించింది.

బకాయిల వసూళ్లపై దృష్టేది?
స్వీయ నష్టాలపై కనువిప్పు కలగడకపోవడంతోనే జలమండలి నిండా మునుగుతోంది. బోర్డు వర్గాల లెక్కల ప్రకారం నెలవారీ లోటు రూ.16 కోట్లు. జీహెచ్‌ఎంసీ నుంచి ఏటా రావాల్సిన రూ.125 కోట్ల ఆస్తిపన్ను వాటా (మొత్తం పన్నులో 25 శాతం)ను రాష్ట్ర ప్రభుత్వం వాటర్‌బోర్డుకు కేటాయిస్తే నష్టాల భారం తగ్గుతుంది. ప్రభుత్వ విభాగాల నుంచి రూ.172 కోట్లు, ప్రైవే టు సంస్థలు, ఇతరత్రా రూ.300 కోట్ల మేర బకాయిలున్నాయి. వీటిని వసూలు చేస్తే బోర్డుకు సొంతంగా రూ.472 కోట్ల మేర లబ్ధి చేకూరుతుం ది. ఆ దిశగా జలమండలి దృష్టి పెట్టడం లేదు.

లోటు పూడ్చుకోవడానికి జనంపై బాదుడు ?
నీటి చార్జీల పెంపు రూపేణా జలమండలి లక్షలాదిమంది వినియోగదారులపై నెలకు రూ.20 కోట్లు, ఏటా రూ.240 కోట్ల మేర భారం మోపిం ది. గ్రేటర్ పరిధిలో 8 లక్షల కుళారుు కనెక్షన్లుండగా, వుురికివాడలు, వుధ్యాదాయు వర్గాలకు చెందినవే 7లక్షల కనెక్షన్లున్నాయి. వాణి జ్య, బహుళ అంతస్తులు, పరిశ్రవులకు చెందిన వి 92,810 వేల కుళాయిలున్నాయి. ఈ లెక్కన తీసుకుంటే సగటున ఒక్కో కుళాయి పై ఏటా పడే అదనపు భారం రూ.3 వేలు. మొత్తం భారం రూ.240 కోట్లను 8 లక్షల కుళాయిల సంఖ్యతో భాగించగా వచ్చే మొత్తమే ఈ భారం.